Oğlunun azadlığa buraxılması tələbi ilə parlamentin qarşısında
etiraz aksiyası keçirən 7-8 mart
aksiyalarının iştirakçısı Lazare Qriqoriadisin atası Beka
Qriqoriadis ağzını və gözünü tikib.
Beka Qriqoriadis hər gün Lazarenin azad edilməsi tələbi ilə
mitinqlər keçirir. Bir neçə günlük səylərdən sonra o, mayın 3-də
parlamentin arxa girişində çadır qura bilib. Bundan əvvəl polis
Lazare Qirqoriadisin atasına buna icazə verməyib. Çadır qurmaq
cəhdlərinin birində o, saxlanılıb və məhkəmə 2000 lari məbləğində
cərimə kəsib.
21 yaşlı Lazare Qriqoriadis martın 29-na keçən gecə polis
tərəfindən saxlanılıb. O, Rusiya qanunlarına zidd olaraq parlament
qarşısında keçirilən nümayişlər zamanı polislərə qarşı zorakılıqda
və Daxili İşlər Nazirliyinə məxsus avtomobili yandırmaqda ittiham
olunur.
Saxlanılan şəxsi 7 ildən 11 ilədək azadlıqdan məhrumetmə cəzası
gözləyir. Martın 31-də məhkəmə onun barəsində həbs-qətimkan tədbiri
seçib.