Marneuli bələdiyyəsinin 2024-cü il büdcəsində idman sahəsinin
inkişafı üçün 7 890 500 lari ayrılıb.
Qeyd olunan vəsaitin əsas hissəsi idman obyektlərinin təchizatı,
bərpası, tikintisinə xərclənəcək.
“Proqram çərçivəsində müxtəlif idman təşkilatlarına və
klublara maliyyə dəstəyi göstəriləcək ki, onların idmançıların məşq
etməsi üçün şərait yaratmaq, bacarıqlı idmançıları həvəsləndirmək
imkanı olsun. 2024-cü il ərzində proqram çərçivəsində müxtəlif
idman yarışları keçiriləcək və maliyyələşdiriləcək: Təxminən 1 400
idmançını özündə birləşdirən İdman Məktəbi; Proqram çərçivəsində
idman obyektlərinə qulluq göstəriləcək və bərpa
olunacaq”, – Marneulinin 2024-cü il büdcə layihəsinin
idman sahəsi üzrə inkişaf proqramında qeyd olunub.
İdman sahəsinin inkişaf proqramı çərçivəsində “Marneuli
bələdiyyəsinin İdman Məktəbinə” subsidiya olaraq 2 050 000 lari,
idman tədbirlərinin təşkil edilməsi üçün isə 90 000 lari nəzərdə
tutulub.
Marneulinin 2024-cü il büdcəsinin ictimai müzakirəsi zamanı
meriyanın Maliyyə-Büdcə Xidmətinin rəhbəri Koba Çxitunidze 2024-cü
ildə Marneulidə idman istiqamətində həyata keçiriləcək
infrastruktur layihələri haqqında danışıb. Gələn ilin büdcəsində
idman obyektlərinin təchizatı, bərpası, tikinti istiqamətinə 5 750
500 lari ayrılıb.
Mini meydançaların tikintisi planlaşdırılan yerlərin siyahısını
sizə təqdim edirik:
- Yağlıca məntəqəsi – 250 000 lari
- Daştəpə - 150 000 lari
- Qırmızıkənd – 150 000 lari
- Qullar – 150 000 lari
- Mövcud meydanların bərpası (Saimerlo, Tsereteli,
Tamarisi və Dəmyə-Görarxı kənd meydançalarının bərpası) – 220 000
lari
- Rustaveli küçəsində trenajorların qurulması və
meydançanın tikintisi – 200 000 lari
Bələdiyyədə gələn il eləcə də üç kənddə, Algeti, Tsereteli,
Sadaxlıda idman zallarının tikintisi planlaşdırır.
Vətəndaşların 2023-cü ilin 25 noyabr tarixində qədər büdcə ilə
əlaqədar qeydlərini təqdim etmək imkanı var. Marneuli Bələdiyyə
Məclisi 2024-cü ilin büdcə layihəsinin ictimai müzakirəsi haqqında
məlumat verib. Məlumata görə, vətəndaşlar təklif və qeydlərini
CLOAKING
elektron poçtuna göndərə, yaxud
yazılı şəkildə qeyd olunan ünvana gətirə bilərlər: Marneuli şəhəri,
Rustaveli küçəsi 73, birinci mərtəbə, Vətəndaş Şöbəsi.