Marneuli İdman Məktəbinin oxçuluq bölməsi müvafiq ləvazimatlarla
təchiz olunmayıb. Buna görə də idmançılar yarışlardan kənarda
qalırlar.
Marneulidə oxçuluq bölməsi artıq üç ildir ki, fəaliyyət göstərir.
Kvemo Kartli miqyasında oxçuluq bölməsi yalnız Marneulidədir.
Marneuli İdman Məktəbinin oxçuluq üzrə məşqçisi Qiorqi
Qordezianinin “Marneuli” radiosu ilə söhbəti zamanı bildirdiyinə
görə, Marneuli idmançıları qış çempionatında iştirak edəcəklər,
çünki məsafə qısadır. Olimpiya
növü yarışlarında isə iştirak edə
bilməyəvəklər, çünki məsafə 70 metrdir.
“Hələlik bunun üçün nəzərdə tutulmuş silahlar üzündən
yarışlarda iştirak edə bilmirik. Lakin müvafiq silahlar olduğu
təqdirdə yarışlarda iştirak edəcək gənclərimz var” –
Qiorqi Qordeziani bildirdi.
Marneuli idmançıları 16-17 oktyabr tarixində Marneulidə keçirilmiş
oxçuluq üzrə Gürcüstan kuboku yarışlarının üçüncü mərhələ
yarışlarında məhz müvafiq silahlarının olmamasına görə iştirak edə
bilmədilər.
Gürcüstan Oxçuluq Federasiyasının prezidenti Xatuna Narimanidze
Marneulinin oxçuluğun inkişafı üçün yaxşı yer olduğunu hesab
edir.
“Qeyd etmək istəyirəm ki, Marneulidə oxçuluq üçün əla
şərait var və bura əla yerdir. Marneuli bələdiyyəsindən, Bələdiyyə
Məclisindən yardım etmələrini xahiş edirəm. İnventarlar bahalıdır,
yalnız inventar problemi var. Əminəm ki, Marneulidə gənclər çoxdur
və gənc idmançılarda istək olacaq” – Xatuna
Narimanidze bildirdi.
Marneuli İdman Məktəbinin direktoru İaqo Naveriani bizimlə söhbəti
zamanı bildirdi ki, oxçuluq üçün lazım olan inventarların
alınmasını planlaşdırırlar.
“Bu mərhələdə bir az ləvazimatlar var, lakin yenilərə ehtiyac var
və bunları alacağıq. Bir neçə dəfə tender elan etdik, heç kəs
iştirak etmədi. Gələn həftə yenə elan etməyi
planlaşdırırıq”, - deyə İaqo Naveriani bildirdi.
Marneuli İdman Məktəbinin oxçuları üçün lazımi inventarların
alınması üçün iyulda tender elan etmişdi. Tenderin təxmini dəyəri 6
400 lari idi. Bu tenderdə heç kəs iştirak etməmişdiş.