Bu gün, 23 oktyabr tarixində birləşmiş müxalifət “Güc birlikdədir”
hərəkatının namizədi Qriqol Vaşadzenin Marneulidə Rustaveli
küçəsində üç saylı məktəbin yaxınlığındakı banerləri sökülüb.
“Güc birlikdədir” hərəkatının üzvləri həmin yerə gəliblər.
Gürcüstan parlametinin deputatı Azər Süleymanov "Marneuli"
Radiosuna bildirdi ki, onların asdığı banerlər yerli hakimiyyət
tərəfindən sökülüb və "Gürcü Arzusu"nun yeganə qorxusu Qriqol
Vaşadzedir. Ona görə də yerli
hakimiyyət tərəfindən Qriqol
Vaşadzenin banerləri sökülür və "VMH" partiyasının banerlərinin
vurulmasına icazə vermirlər.
Hadisə yerinə yol patrul xidməti çağırılmışdır.
Xatırladaq ki, bir neçə gün öncə Marneuli və ölkənin bir sıra
şəhərlərində birləşmiş müxalifət “Güc birlikdədir” hərəkatının
namizədi Qriqol Vaşadzenin banerlərinə “КГБ” yazılması faktı qeydə
alınmışdı.