Marneuli Meriyası itlərin sığınacaq xidməti üçün 4-cü tender elan
edib. İndiyə kimi elan edilmiş 3 tender pozulub.
Meriya bələdiyyə ərazisində 169 baxımsız qalan itin sığıanacağa
aparılması xidmətini əldə etmək üçün 16 900 lari ayırıb. Hər it
üçün 100 lari nəzərdə tutulub.
Marneuli meriyası tender məbləğini “Marneuli” Radiosunun itlərin
sığınacaq xidmətinin pozulmuş tenderi haqqında sujetin
efirə
getməsindən sonra artırdı.
Sentyabrın 12-də hazırlanan sujetdə biz deyirdik ki, meriya
tərəfindən elan olunmuş tenderlərdə məbləğ yetərli deyildi.
Heyvanların Mühafizə Federasiyasından bizə dedilər ki, bir itin
xidməti üçün meriya 85 lari ayırıb və bu yetərli deyil. Tenderdə
iştirak edəcək şirkətlər isə işləri müvafiq olaraq yerinə
yetirməyəcəklər.
Meriya tərəfindən elan olunmuş üçüncü tenderdə qalib gəldiyi halda
“İmereti qrupu” da öhdəliyə uyğun olaraq işini yerinə yetirə
bilməyəcəkdi. O, yeganə şirkətdir ki, tenderdə iştirak edib.
Gürcüstan Heyvanların Müdafiəsi Federasiyasının sədri şirkəti
itlərin qatil qrupu olaraq qiymətləndirdi. Zaur Tabatadze isə
bizimlə söhbətində qeyd etdi ki, sentyabrda tenderin pozulmasına
səbəb şirkət tərəfindən müvafiq sənədlərin təqdim
olunmamasıdır.
Meriya baxımsız qalan itlərin sığınacağa aparılmasına ehtiyac olan
halda isə heyvanların evtanaziya və aparılması xidməti üçün 30
oktyabrda tender elan edib. Tenderdə iştirak etmək istəyi olan
şirkətlərin təklifləri 6 noyabrdan 8 noyabra qədər qəbul olunacaq.
Qalib gələn şirkət işləri müqavilənin bağlanmasından 2018-ci ilin
31 dekabrına qədər yerinə yetirməlidirlər.