Parlamentin üzvü Emzar Kvitsiani Ümum Gürcüstan
Müsəlmanları Ali Dini İdarəsinin şeyxi Mirtağı Əsədova qarşı ayrı
seçkilik məzmunlu çıxış edib.
Bu barədə çıxışı Emzar Kvitsiani Parlamentdə dini azadlıqlarla
bağlı işçi qrupun görüşündə edib.
Görüş zamanı Ümum Gürcüstan Müsəlmanları Ali Dini İdarəsinin şeyxi
Mirtağı Əsədov çıxış edib və deyib ki, Emzar Kvitsianinin ictimai
yerlərdə niqab və burka geyilməsi ilə bağlı qanun layihəsi təklifi
ayrı seçkilikdir və məsələ kökündən araşdırılmalıdır.
“Biz hər il Marneuli də İmam Hüseyn (ə) əza məclisi
keçiririk, küçədə yürüş edirik, ana-bacılarmız da Xanım Zeynəbin
əzasına şərik olmaq üçün bu cür geyimdən istifadə edirlər, siz
bunlarımı cərmələmək istəyirsiniz?” – Mirtağı Əsədov
bildirib.
Dini azadlıqlarla bağlı görüşdə Əsədov Azərbaycan dilində danışıb.
Emzar Kvitsiani isə ondan Gürcüstan vətəndaşı olub-olmadığını və nə
üçün gürcü dilində danış soruşub.
“Qanun layihəsinin müəllifi Emzar Kvitsiani dedi ki,
Parlamentdə niyə ana dilinə danşırsan, onun bu fikrinə
QHT-nümayəndələri və digər millət vəkilləri etiraz
etdilər”, - Mirtağı Əsədov dedi.
Emzar Kvitsiani bizimlə söhbəti zamanı təsdiqlədi ki, o, həqiqətən
də Əsədovdan nə üçün Gürcü dilində danışmadığını və Gürcüstan
vətəndaşı olub-olmadığını soruşub.
“Yeni konstitusiya qəbul etmişik, konstitusiyaya baxın.
Orada Gürcüstan vətəndaşından söhbət gedir. İkili vətəndaşlıqla
bağlı hüquq qəbul etmişik və orada gürcü dilini bilmək vacibdir.
Ona görə də bu heç bir diskriminasiya deyil, ümumiyyətlə, niyə
bizim ölkədə hamının gürcü dilində danışmasını tələb etməyim
diskrimniasiyadır” – deyir Emzar Kvitsiani.
Kvitsiani qeyd etdi ki, onun bəyanatı ayrı-seçkilik məzmunlu
deyildi. Niqab və burka məsələsinə gəlincə isə, bu qanun layihəsi
artıq müzakirə olunmur və bundan sonra qadağa sifətin görünməsinə
mane olan istənilən növ örtüklə bağlı qəbul oluna bilər.
Parlament üzvündən fərqli olaraq Kvitsianinin bəyanatını görüşdə
iştirak edən EMC-nin Bərabərlik Siyasəti Proqramının direktoru
Tamta Mikeladze ayrı-seçkilik olaraq dəyərləndirir. Mikeladze deyir
ki, Kvitsianinin bəyanatı dövlətin yarıtmaz təhsil sistemi üzündən
dövlət dilini öyrənə bilməyən bütün dini azlıq nümayəndələri üçün
problemlidir və hesab edir ki, bu bəyanat üz döndərmək təsiri də
yarada bilər.
“Bir halda ki, rəsmi-siyasi sahələrdə belə təhqiredici,
diskriminasiya xarakterli mühit varsa, aydındır ki, bizim sosial
sahələrdə diskriminasiyanın aradan qaldırılması haqqında
danışmağımız mümkün deyil” - deyir Tamta
Mikeladze.
Tamta Mikeladze həmçinin deyir ki, bu epizodda ən təəssüfləndirici
hal odur ki, İnsan Hüquqları Komitəsinin sədri Kvitsianinin
bəyanatından narahat olmadı, müvafiq reaksiya göstərmədi və bunun
əvəzinə o, Əsədova göstəriş verdi və dedi ki, deputatlar məsələni
yaxşı bilirlər və onun tənqidi yersizdir.