Sərxan Rzayev 1 saylı Alget ictimai məktəbinin 12-ci sinif
şagirdidir.
Sərxan deyir ki, qohumunun əl işi qabiliyyəti onu yeni ixtiralar
yaratmağa həvəsləndirib. O, dostları ilə birgə tulantılardan əl
işləri yaratmağa başlayıb. İlk hazırladıqları isə , plastik su
qabların istifadə edərək düzəltdikləri helikopter olub. Soradan
digər məktəblərə də gedərək əl işləri toplamağa başlayıb, 1 ay
ərzində Sərxan 30 əl işi yığmağı bacarıbdır. Sərxan deyir ki, onun
ən büyük istəklərindən biri yaşadığı Alget kəndində sərgi keçirmək
olub və o, istəyinə nail olaraq 16 mart tarixində Alget kəndində
yerləşən İmam Əli məscidində sərgi təşkil edib.
Bu əl işlərindən bir qismi 1 saylı Alget ictimai məktəbinin
müəllimlər otağında sərgilənir. Onların içində ən çox seçiləni isə
ayaqqabı boyası qutusundan hazırlanmış mobil cihazlar üçün enerji
doldurucusudur.
Məktəbin direktoru Musa Ömərov bildirir ki, məktəb şagirdlərinin əl
işlərinə meyli çoxdur. Onun dediyinə görə, onlar bir çox yarışlarda
iştirak edərək mükafatlara layiq görülüblər və bu şagirdlərdə
həvəsin dahada artmasına səbəb olub.
Sərxanın gələcəklə bağlı bir çox arzuları var. O, istəyir ki,
dostları ilə birgə daha çox əl işi hazırlayaraq Tiflis və başqa
şəhrələrdə sərgi keçirərək, bölgələrini təmsil etsinlər.
"Marneuli" Radiosu