Dariko İsmayılova keçmiş hərbi şəhərciyin 53 yaşlı sakinidir.
Onun bildirdiyinə görə, 35 ilə yaxındır bu ərazidə yaşayır. Dariko
deyir ki, əvvəllər o, hərbçi kimi işləyib. Həyat yoldaşından isə
ayrilib və qızıyla bir yerdə yaşayır. İsmayılovanın bildirdiyinə
görə, iki il bundan öncə o, yaşadığı iki mərtəbəli binanın girişini
hasarlatdıraraq dəmir darvaza qoyub. Tikinti zamanı isə bunun
qanunsuz olduğu haqqında ona məlumat verilməyib. O, deyir ki, aprel
ayının 2-də isə Meriyadan gələn nümayəndə bu tikilinin qanunsuz
olduğunu, 15 gün ərzində tikilini qanuniləşdirməsini ondan tələb
edib.
Dariko bildirir ki, qonşular arasında münasibət yaxşıdır. Belə
tikililər zamanı onlar bir-birləri ilə razılığa gəlirlər.
Bu problemi tək İsmayılıova yaşamır. Keçmış hərbi şəhərciyin bir
neçə sakini də eyni problemlə üzləşib. 5 aprel tarixində şəhərciyin
bəzi sakinləri problemlə bağlı öz aralarında görüş keçirib. Onlar
iddia edirlər ki, gələn nümayəndə tikililər qanuniləşdirilməsə 2000
lari cərimə olunacaqlarını və tikililərinin söküləcəyini deyib.
Sakinlər görüşdə yaşadıqları ərazinin başqa problemlərini də
müzakirə etdilər. Əsas müzakirə olunan problemlər isə sahibsiz
itlərin ərazidə çoxluğu, şəhərcik ərazisində yollarda piyada
keçidlərinin olmaması və sakinlərin yaşadıqlari evləri
qanuniləşdirə bilməməsi idi. Onlar sonda qərara aldılar ki, bu
məsələlərlə bağlı meriyaya müraciət etsinlər.
"Marneuli" Radiosu