Keçmiş hərbi şəhərciyin 26 may küçəsi 13 saylı binanın sakinlərinin
qeydiyyat problemi var.
Üç girişli , iki mərtəbəli, fasadı qırmızı kərpiclə örtülü binada
12 ailə yaşayır, bu ailələrdən sadəcə birinin mənzilinin qeydiyyatı
var. Sakinlərin arasında bu gün təşviş yaşanır ki, onların yaşadığı
bina bir qurup insanların maraq dairəsindədir və adlarını çəkməyə
ehtiyat etdikləri bu şəxslər onları mənzillərindən çıxara bilərlər.
Bu haqda bizə binanın 28 yaşlı sakini 2 azyaşlı uşaq anası Tunzalə
Səfərova məlumat verdi.
Onun bildirdiyinə görə, onun ailəsi bu mənzili 90-ci illərdə rus
hərbçilərindən alıb və o, bu mənzildə artıq 25 ildən çoxdur ki,
yaşayır. Onun dediyinə görə, ailədə 6 nəfərdilər. Tünzalə iddia
edir ki, bütün dövlət inistansiyalarına müraciət edib. Sonuncu
məhkəmə qərarı isə o, olub ki, bina hərraca çıxmalıdır.
Binanın digər sakinləri də eyni problemdən şikayətlənirlər. Onların
bildiridiyinə görə, binanın damını öz hesablarına düzəltdiriblər.
Lakin evlərini təmir etdirə bilmirlər, çünki evlərinin əllərindən
alınacağından qorxurlar. Sakinlər bildirir ki, bina hərraca çıxsa
belə onların imkanı bu mənzilləri almağa çatmayacaq. Onların
dediyinə görə, evlərini qoyub hec yerə getməyəcəklər. Onu da qeyd
edək ki, bu bina İqtisadiyyat Nazirliyinin mülkiyyətindədir.