Metyu Miller: Biz inanırıq ki, bu qanunun qəbulu ABŞ-Gürcüstan münasibətlərini pozacaq

09:35 / 07.05.2024

ABŞ Dövlət Departamentinin sözçüsü Metyu Miller bildirib ki, Gürcüstanda müzakirə olunan "Rus qanunu" “ABŞ-Gürcüstan münasibətlərini pozacaq”.

Həmçinin Millerin fikrincə, bu qanunun qəbulu Gürcüstanın Avroatlantik yolunu təhlükə altına salacaq və ölkəni təhlükəli trayektoriyaya salacaq.

Millerə sanksiyalar haqqında da suallar ünvanlanıb.

“Biz hesab edirik ki, onların nəzərdən keçirdikləri qanun Gürcüstanı təhlükəli trayektoriyaya salacaq, Gürcüstanın Avro-Atlantik yolunu təhlükə altına
salacaq və ABŞ-Gürcüstan münasibətlərinə xələl gətirəcək. Biz bunu izah etməyə davam edəcəyik və onlar öz qərarlarını verəcəklər... Mən sanksiyalar, nə edə biləcəyimiz və ya nə etməyi düşündüyümüz barədə heç bir açıqlama verməyəcəyəm”, - ABŞ Dövlət Departamentinin sözçüsü bildirib.

Mənbə: Publika

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

“Gürcü Arzusu” bir daha “Rusiya qanununu” qəbul etməyi planlaşdırır. Həmin qanun 2023-cü ilin mart ayında kütləvi etirazlar nəticəsində geri çəkilmişdi. “Gürcü Arzusu” ötən il vəd vermişdi ki, “Rusiya qanunu” Parlamentə qaytarmayacaqlar. Amma vədi pozublar. “Gürcü Arzusu” qanun layihəsinin ilkin formasından yalnız “agent” sözünü çıxarıb və onu xarici maraqların daşıyıcısı ilə əvəz edib.
Qanuna görə, gəlirinin 20%-dən artığı xaricdən əldə olunan bütün QHT və media təşkilatlar xarici qüvvələrin maraq daşıyıcısı hesab olunurlar. Dövlət bu təşkilatların fəaliyyətini və məqsədlərini araşdırmayacaq, onların hamısına xarici qüvvələrin maraq daşıyıcısı adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən gələn maliyyəyə deyil, Avropa və Amerikadan gələn maliyyəyə istiqamətlənib.
Qanunun irəli sürülməsinə görə, Avropa İttifaqı üzvləri və Gürcüstanın dost ölkə liderləri öz təəccüblərini bildiriblər, Rusiya Prezidentinin mətbuat katibi isə “Gürcü Arzusu”-nun qanununu bəyənib.

Tags: ABŞ Gürcüstan Metyu Miller Rus qanunu

BY AUTHOR

Gülçin İsmayılova