Vətəndaş fəalları, jurnalistlər, qeyri-hökumət təşkilatlarının nümayəndələri naməlum şəxslərin telefonla zəng etdiyini, söyüşlər yağdırdığını deyirlər.
Son həftələr paytaxtda davamlı etirazlara səbəb olan "Agentlər Qanunu" layihəsinə qarşı açıq etiraz edən insanlara digər ölkələrin telefon nömrələrindən zənglər gəlir.
Tarixlərinə görə, telefon əlaqəsinin forması bir-birinə bənzəyir: əvvəlcə kimliyini soruşurlar, sonra qanun layihəsini oxuyub-oxumadığını soruşurlar, sonrakı mərhələ isə təhqirdir.
“Zəng etdilər və söyüş söyməyə başladılar... [hökumətdən başqa] mən bu qədər bacarıqsız olan başqa adam görmürəm. Bu cəmiyyətdə gənclər istedadlıdır, müxalifətin bu haqda təsəvvürü yoxdur, başqa heç kim qalmayıb”, - yazıçı Levan Berdzenişvili “Azadlıq” radiosuna şərhində bildirib.


“Azadlıq” radiosu məsələnin araşdırılmasına başlanılıb-başlanılmaması ilə bağlı Daxili İşlər Nazirliyi və Fərdi Məlumatların Mühafizəsi Xidmətindən məlumat gözləyir. Cavab alınarsa, material yenilənəcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---

---

“Gürcü Arzusu” bir daha “Rusiya qanununu” qəbul etməyi planlaşdırır. Həmin qanun 2023-cü ilin mart ayında kütləvi etirazlar nəticəsində geri çəkilmişdi. “Gürcü Arzusu” ötən il vəd vermişdi ki, “Rusiya qanunu” Parlamentə qaytarmayacaqlar. Amma vədi pozublar. “Gürcü Arzusu” qanun layihəsinin ilkin formasından yalnız “agent” sözünü çıxarıb və onu xarici maraqların daşıyıcısı ilə əvəz edib.
Qanuna görə, gəlirinin 20%-dən artığı xaricdən əldə olunan bütün QHT və media təşkilatlar xarici qüvvələrin maraq daşıyıcısı hesab olunurlar. Dövlət bu təşkilatların fəaliyyətini və məqsədlərini araşdırmayacaq, onların hamısına xarici qüvvələrin maraq daşıyıcısı adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən gələn maliyyəyə deyil, Avropa və Amerikadan gələn maliyyəyə istiqamətlənib.
Qanunun irəli sürülməsinə görə, Avropa İttifaqı üzvləri və Gürcüstanın dost ölkə liderləri öz təəccüblərini bildiriblər, Rusiya Prezidentinin mətbuat katibi isə “Gürcü Arzusu”-nun qanununu bəyənib.