Dövlət Təhlükəsizlik Xidmətinin məlumatına görə, Rusiyanın işğal
etdiyi Axmaci kəndi yaxınlığında oğurlanan Aleksi Adeişvili azad
olunub.
“Rusiya işğalçı qüvvələrinin işğal etdiyi Axmaci kəndi
yaxınlığında qanunsuz saxlanılan Aleksi Adeişvili azad olunub və
mərkəzi hökumətin nəzarətində olan ərazidədir.
Aleksi Adeişvilinin qanunsuz həbsdən azad edilməsi prosesində həm
Avropa İttifaqının Gürcüstandakı Monitorinq Missiyasının (EUMM)
birbaşa iştirakı ilə fəaliyyət göstərən “qaynar xətt”
mexanizmindən, həm də mərkəzi hökumətin sərəncamında olan bütün
müvafiq vasitələrdən fəal şəkildə istifadə olunub. Gürcüstanın
mərkəzi hökuməti daimi əsaslarla beynəlxalq tərəfdaşlara məlumat
verib.
Bu məsələ Gürcüstanın Mərkəzi Hökuməti tərəfindən insidentlərin
qarşısının alınması və cavab tədbirləri mexanizmi (IPRM) formatı
çərçivəsində keçirilən görüşlərdə qaldırılıb.
Gürcüstanın işğal olunmuş rayonlarında və işğal xətti boyunca
həyata keçirilən bütün dağıdıcı hərəkətlərə görə məsuliyyət işğalçı
dövlətin üzərinə düşür.
Mərkəzi hökumət beynəlxalq tərəfdaşlarla birlikdə işğal olunmuş
ərazilərdə qanunsuz olaraq saxlanılan bütün Gürcüstan
vətəndaşlarının azad edilməsi üçün fəal işləməyə davam
edəcək”, - DTX-nın bəyanatında deyilir.