Daxili İşlər Nazirliyinin məlumatına görə, kompüter sisteminə icazəsiz daxil olan 1 nəfər tutulub. Söhbət “Silknet” şirkətindən məlumatların sızması faktından gedir.
Agentliyin məlumatına görə, 2001-ci il təvəllüdlü B.K. şəxsi məlumatları əldə etmək məqsədilə “Silknet”in kompüter sisteminə kiberhücum edib və şirkətin 5000-ə yaxın istifadəçisinin şəxsiyyət vəsiqələrinin rəqəmsal surətini əldə edib.

“Aparılmış kompleks istintaq hərəkətləri nəticəsində müəyyən edilib ki, təqsirləndirilən B.K. şəxsi məlumatlarını əldə etmək məqsədilə “Silknet” SC-nin kompüter sisteminə kiberhücum edib.

“Təqsirləndirilən şəxs kompüter sisteminə icazəsiz giriş yolu ilə adıçəkilən şirkətin 5000-ə yaxın istifadəçisinin şəxsiyyət vəsiqələrinin rəqəmsal surətini əldə edərək qanunsuz yolla internet məkanında satmağa cəhd edib”, - deyə məlumatda bildirilir.

Kompüter sisteminə icazəsiz giriş faktı ilə bağlı Gürcüstan Cinayət Məcəlləsinin 284-cü maddəsinin 3-cü hissəsi ilə istintaq aparılır. Cinayət 6 ilə qədər azadlıqdan məhrumetmə ilə cəzalandırılır.

Martın 19-u axşam saatlarında Silknet istifadəçilərinin şəxsi məlumatlarının, o cümlədən şəxsiyyət vəsiqəsi fotolarının sızması ilə bağlı məlumat yayılıb.