"Nokia" özünü təmir etmək üçün uyğunlaşdırılmış ilk 5G smartfonunu təqdim edib.

Bu barədə “PhoneArena” nəşri məlumat yayıb.

Məlumata görə, yüksək səviyyədə dözümlülüklə buraxılmış "Nokia G42 5G" cihazı fərqli xüsusiyyəti ilə yenilənib. Cihaz batareyaya və digər komponentlərə sürətli çıxışı olan modul dizayn alıb. Bir nasazlıq halında, istifadəçi ehtiyat hissələri satın ala və zədələnmiş hissələri evdə dəyişdirə bilər. "Nokia G42"ni özünə xidmət üçün nəzərdə tutulmuş ilk 5G smartfonu olduğu açıqlanıb.

Qeyd olunub ki, istehlakçılar alətləri və hissələri təmirini "iFixit" tərəfdaşının saytından əldə edə bilərlər. Beləliklə, istifadəçilərin displey, akkumulyator, doldurma portunu müstəqil şəkildə əvəz etmək imkanları olacaq. "Nokia G42" həmçinin təhlükəsizlik yeniləmələri ilə əlavə dəstək alacaq.

Cihaz 6,56 düymlük IPS ekran və Snapdragon 480+ prosessoru ilə çıxıb. Telefonun 4 giqabayt operativ yaddaşı və 128 giqabayt daxili yaddaşı var. 50, 2 və 2 meqapiksel təsvir ölçülü linzaları olan üçlü kamera alıb. 5000 milliamper-saatlıq batareya ilə təchiz edilib. Nokia G42-nin qiyməti 249 avro təşkil edib.