Mərkəzi Seçki Komissiyasının sədri Tamar Jvania bildirib ki, MSK
seçkilərin yekun nəticələrini maksimum 20 gün ərzində elan
etməlidir.
Prezident seçkilərinin ikinci turu isə ən gec son nəticələr elan
edildikdən iki həftə sonraya təyin olunmalıdır. Müvafiq olaraq,
ikinci tur dekabrın 2-dək keçiriləcək. Lakin, ikinci tur daha əvvəl
də baş tuta bilər və bu, Mərkəzi Seçki Komissiyasının yekun
nəticələri
elan etməsindən asılıdır.
29 oktyabra saat 9.00 üçün olan məlumata görə, görə seçki
məntəqələrinin 99.57 faizi sayılıb. İlkin nəticələrə əsasən,
namizədlərin (ilk üçlük) nəticələri aşağıdakı kimidir:
- Salome Zurabişvili - 38,66%
(614 964 səs);
- Qriqol Vaşadze - 37,7% (599
662 səs);
- Davit Bakradze - 10,97%
(174 555 səs);
28 oktyabr prezident seçkilərində 25 namizəd iştirak edirdi. Salome
Zurabişviliyə gəldikdə, onu hakim "Gürcü arzusu" partiyası
dəstəkləyirdi.
Üçüncü yerə sahib olan Davit Bakradze, ikinci turda "Birləşmiş
Müxalifət"in namizədi Qriqol Vaşadzeni dəstəkləyəcəyini
bildirib.
Prezident seçkilərində seçicilərin fəallığı 46,74% təşkil edib ki,
bu da səsvermədə 1 637 956 seçicinin iştirak etməsi deməkdir.