Marneulidə "Alilo" bayramı qeyd olunub
Milad bayramı
ilə əlaqədar Marneuli bələdiyyəsində “Alilo” yürüşlə qeyd
olunub.
“Alilo” iştirakçıları yürüşə Marneuli və Hücəba eparxiyasının
yepiskopu Giorginin xeyir-duası ilə bu gün saat 12:00-da Marneuli
Davit Ağmaşenebeli adına katedral kilsəsindən başladılar və
Mədəniyyət Evinin qarşısında bitirdilər.
Marneuli meriyası tərəfindən yayımlanan məlumatda qeyd olunur ki,
özünüidarəetmə nümayəndələri yürüşə Mədəniyyət Evinin qarşısında
qoşulublar.
Yürüşdə ruhani şəxslər, Marneulidə yaşayan vətəndaşlar, yerli və
mərkəzi hakimiyyət nümayəndələri iştirak ediblər.
İştirakçıların yol boyunca topladığı hədiyyələr xeyriyyəçilik üçün
istifadə olunacaq.
Qeyd edilməlidir ki, Milad Alilosundan sonra Mədəniyyət Evinin
konsert zalında “Milad ulduzu” tədbiri keçirilib. Tədbirdən sonra
Giorgi Ata Milad bayramının əhəmiyyətindən danışıb və oraya
toplanmış ictimaiyyət nümayəndələrini təbrik edib.
Gürcüstan Alilo ənənəsi öz mənbəyini V-VI əsrdən götürür.
Bayramı qeyd etmək ənənəsi isə 2000-ci ildə katolik-patriarxı İlia
II-nin xeyir-duası ilə bərpa olunub.