Marneulidə donuz qripinə yoluxma halı qeydə alınmayıb
Marneulidə donuz
qripi qeydə alınmayıb. “Marneuli” radiosuna bu barədə məlumatı
Marneuli Səhiyyə Mərkəzini rəhbəri Eter Laperadze verib və bildirib
ki, H1N1 halı laborator olaraq aşkarlanmayıb.
Qrip
əleyhinə “Tami-flu” preparatı baxımından isə xəstəxanalarda heç bir
problem yoxdur və dərmanlar 28 dekabr tarixindən paylanılıb.
“Donuz qripi qeydə alınmayıb. Marneulidə virusa qarşı
müalicə aparılır. Artıq “Aversi”də 11 qutu “Tami-flu” istifadə
olunub”, - Eter Laperadze bildirib.
Bu vaxta qədər Gürcüstanda laboratoriya tərəfindən təsdiqlənən qrip
virusundan 10 ölüm halı qeydə alınıb.
Keçən həftəyə olan məlumata görə, xəstəliyə yoluxanların sayı 21
nəfər azalıb. Ötən həftə bu göstərici 100 min nəfərə 277 yoluxma
idisə, indi 256 nəfərə düşüb.
Səhiyyə Nazirliyi vətəndaşları qrip əlamətlərinin aşkarlanması
halında dərhal xəstəxanaya müraciət etməyə çağırır.