Etibar Daşdəmirov Marneulinin poçt ofisinə
tez-tez gedir. Onlayn saytlardan ucuz qiymətə istədiyi məhsulu alır
və həftələrlə onun gəlməsini gözləyir.
İndi
isə vəziyyət onun üçün çətinləşir. O, öyrənib ki, əmanəti götürən
zaman 2 lari dəyərində məbləğ ödəməli olacaq.
“Məsələn, bəzən elə əşyalar alıram ki, 5 lariyə başa
gəlir. Gürcüstanda isə həmin əşya 8 laridir. Belə çıxır ki, mən
istədiyim məhsulu 7 lariyə almış oluram və düşünürəm ki, 1 lariyə
görə bir ay gözləməyə dəymir” – deyir Etibar
Daşdəmirov.
Gürcüstan poçtu yeni tarifi 2019-cu ilin 3 yanvarından qəbul edib.
Ofisdən izah edirlər ki, beynəlxalq daxil olan poçt göndərmələrinin
gömrük kontrolundan keçmə xidməti 2 lariyə başa gəlir.
Qeyd olunan dəyəri Gürcüstan poçtunun servis mərkəzlərində
əmanətinizi götürərkən ödəyə bilərsiniz. Belə ki, əgər siz
Gürcüstan poçtunun “əmanətin kuriyer tərəfindən ünvanına
çatdırılması” kimi əlavə xidmətindən istifadə edərsinizsə dəyəri
əşyanı istədiyiniz ünvanda qəbul edən zaman əlavə dəyərlə birgə də
ödəyə bilərsiniz.
Qiymətlərin dəyişməsi Gürcüstan poçtundan bildirdiklərinə görə
“istifadəçilərə xidmərin və poçt əməliyyatı prosesinin
yüksək standartlarının əsasının qoyulması ilə bağlıdır. Qeyd edək
ki, Gürcüstan poçtu istifadəçilərə qarşı cavabdehliyi nəzərə alır
və rəqiblərlə yanaşmada yerli və eləcə də beynəlxalq poçt
məhsulları istiqamətində ən aşağı qiymətləri qoruyub
saxlayır”.