Marneuli məktəblərində dezinfeksiya işləri aparılır
Marneuli
məktəblərində dezinfeksiya işləri həyata
keçirilir.
Radiomuza bu barədə məlumatı Marneuli
Resurs-Mərkəzinin direktoru Kənan Ömərov verdi.
Ömərovun bizimlə söhbəti zamanı bildirdiyinə görə, dezinfeksiya
işləri Marneulidə olan bütün 74 məktəbdə də həyata keçirilir və
belə tədbirlər dərs prosesi başlandıqdan sonra da mərhələli şəkildə
davam etdiriləcək.
Yeni il tətilindən sonra məktəblərdə dərs prosesi 15 yanvar
tarixində başlamalı idi, lakin ölkədə yayılmış H1N1 virusuna görə
tətillər 21 yanvar tarixinədək uzadıldı.
Məktəblərdən başqa tədris prosesinin başlanması məktəbəqədər təhsil
müəssisələri və ali məktəblərdə də təxirə salınıb.