Saimerlo kəndində uşaq bağçasının tikintisi bu
günədək tamamlanmayıb. Müqaviləyə əsasən “Montajçı Nika” şirkəti
tikinti işlərini 10 dekabr 2018-ci ilədək tamamlamalı
idi.
Şirkət müqavilə şərtlərini pozduğuna görə, ona cərimələnməlidir.
Marneuli meriyasının İnfrastrukturun İnkişafı, Analizi və
Monitorinqi Şöbəsinin rəhbəri Davit Mumladzenin bizimlə söhbəti
zamanı bildirdiyinə görə, bələdiyyə və şirkət arasında imzalanmış
müqavilənin müddəti başa çatanadək şirkətin işləri başa çatdırmaq
hüququ var.
Saimerlo uşaq bağçası ilə bağlı imzalanmış müqavilə 30 mart 2019-cu
ilədək qüvvədədir, buna görə də “Montajçı Nika” şirkəti uşaq
bağçasını məhz 30 martadək tamamlamalıdır.
Şirkədə 10 dekabr tarixindən cərimə tətbiq olunmasına baxmayaraq,
Marneuli meriyasının Maliyyə-Büdcə Xidmətinin rəhbəri Vüqar
Məmmədovun cərimənin miqdarı ilə bağlı heç bir məlumatı yoxdur.
“İşlərin tamamlanması üçün müəyyən olunmuş vaxt başa çatmadığına
görə, rəhbəri olduğum xidmətdə vaxt qeyd olunmayıb, buradan irəli
gələrək dəqiq məlumatım yoxdur”, – Vüqar Məmmədov bildirib.
Saimerlo uşaq bağçası 120 uşaq üçün nəzərdə tutulub. Bağçanın
tikinti sənədindən aydın olur ki, uşaq bağçasının binasında dörd
tam qrup bloku və digər köməkçi otaqlar olacaq. İkinci mərtəbədə
isə uşaq qrupları ilə birlikdə rəhbərliyin otağı və idman/incəsənət
tədbirləri üçün zal olacaq. Bina məhdud fiziki imkanlı şəxslər üçün
uyğunlaşdırılacaq.
Layihə yerli büdcədən maliyyələşdirilir və müqavilə dəyəri 587 000
lari təşkil edir.
Uşaq bağçası açılanadək artıq ikinci ildir ki, uşaqların
təlim-tərbiyəsinə Saimerlo kəndindəki şəxsi evlərdən birində davam
edirlər. Köhnə uşaq bağçasını isə binanın qəzalı vəziyyətdə
olmasına görə tərk etmişdilər.