Tsereteli parkının salınması 8 ay gecikmə ilə tamamlanacaq
Tsereteli
kəndində 9 aprel parkının salınması işləri hələ
tamamlanmayıb.
“Tao” MMC və Marneuli meriyası arasında
bağlanmış müqavilənin şərtlərinə görə, şirkət işləri 4 iyul 2018-ci
ilə qədər tamamlamalı idi. Lakin pozuntulara görə tikinti bu gün də
davam edir.
Müqavilə şərtlərini pozduğuna görə “Tao” MMC-yə cərimələr işləri
tamamlamalı olduğu gündən hesablanır.
Bələdiyyə və şirkət arasında ilkin olaraq bağlanmış müqavilənin
vaxtı 21 dekabr 2018-ci ilədək idi. Buradan da irəli gələrək işlər
yeni ilədək tamamlanmalı idi. Lakin müqavilənin müddəti
uzadıldı.
Bu mərhələdə “Tao” MMC-nin işləri tamamlaması üçün 27 fevral
2019-cu ilədək vaxtı var.
Şirkətə tender şərtlərini yerinə yetirmədiyinə görə 4 iyuldan
etibarən cərimə hesablanır. Lakin Marneuli meriyasının
Maliyyə-Büdcə Xidmətinin rəhbəri Vüqar Məmmədovun cərimənin miqdarı
ilə bağlı heç bir məlumatı yoxdur. Belə ki, işlərin tamamlanması
vaxtı məlum deyil.
Tseretelidə park “Vətəndaş büdcəsi” çərçivəsində salınır ki, bunun
üçün də yerli büdcədən 165 498 lari ayrılıb.
Tender şərtlərinə görə Tsereteli parkı funksiyasına görə iki –
tarixi və gündəlik istifadə zonalarına bölünməlidir. Hər iki
zonanın yaradılmasına “Tao” MMC cavabdehdir. İşlərin isə nə zaman
tamamlanacağı məlum deyil.