Marneuli bələdiyyəsinin özünüidarəetmə
binasında dövlət bayraqları endirilib.
“Marneuli bələdiyyəsinin özünüidarəetməsi Tbilisidə,
Didi Diğomidə təbii qaz sızması nəticəsində baş vermiş faciəyə görə
təəssüfünü bildirir və dünyasını dəyişənlərin ailələrinə baş
sağlığı verir” – yazılıb meriya tərəfindən yayımlanan
bəyanatda.
Didi Diğomidə yaşayış korpusunun dördüncü mərtəbəsində güman ki,
təbii qazın partlamasından saat 20:30-da dağıntı baş verib.
Yerlilər deyirlər ki, partlayışa qədər gün ərzində binada qaz
qoxusu hiss olunurmuş. Ancaq qaz şirkəti nümayəndələri səbəbi
aşkarlaya bilməyiblər.
Partlayış nəticəsində 4 nəfər dünyasını dəyişib və 8 nəfər zərər
çəkib, onlar arasında uşaqlar da var.
Gürcüstanın baş nazirinin qərarı ilə 17 yanvar matəm günü elan
olunub.
Baş nazirin sərəncamına əsasən matəm günü ilə bağlı Gürcüstan
ərazisində olan bütün administrativ binalarda və xaricdə
Gürcüstanın diplomatik nümayəndəliklərində bayraqlar
endiriləcək.