Norgüldə "Kənd yığıncağı" təhsil prosesinin pozulması hesabına baş tutub
Norgül kəndində bu gün “kənd yığıncağı” baş
tutub. Görüş məktəbin ətraf ərazisində keçirilib.
Kənd
yığıncağı keçirilmiş hesab olunsun deyə əhalinin 20% toplantıda
iştirak etməlidir. Norgül kəndini nəzərə alsaq bu 80 nəfər
deməkdir.
Kənd müvəkkili administrasiyasının nümayəndəsi 90 nəfərin imzasını
toplayıb, yığıncaq açıq elan edilib və iki məsələni – məktəbin
ayaqyolunun təmiri və ətraf ərazisinin hasarlanmasına səs veriblər.
Əhalinin toplanması isə əsasən Norgül kəndinin ictimai məktəb
pedaqoqlarının və şagirdlərinin hesabına olub.
Görüşə həqiqətən də 90 nəfərin gəlməsini belə əminliklə qeyd edə
bilmərik. Belə ki, məktəbdə dərs prosesi pozulub və bu haqda məlum
olduğuna görə məktəb direktoru Marina Macaraşvili heç nə
bilmirmiş.
"Mənimlə heç kim razılaşmayıb. Nə deməkdir ki, orada
direktor olmadan görüş baş tutub?!" - deyir Marina
Macaraşvili.
Norgül məktəbi Sereteli məktəbinin tərkibinə daxildir, ancaq erməni
dilli məktəb üçün ayrı bina Norgüldə yerləşir. Marneuli
meriyasından izah edirlər ki, görüş əvvəlcədən razılaşılıbmış və
məktəb administrasiyası məlumatlı olmalı idi.
Norgül kənd əhalisi qəbirstanlıqda olan problemin həllini də tələb
etmək istəyirmiş, ancaq onlara 16 000 lari ayrılıb və 3 layihəni bu
məbləğlə həyata keçirə bilməyəcəkdilər. Sakinlərdən biri qeyd edib
ki, “hələ sağ olanlara baxsınlar sonra ölülərə”.
Meriya nümayəndələri əhaliyə vəd veriblər ki, qəbirstanlıqda olan
problemin şəxsi büdcədən həll olunmasına çalışacaqlar.