Şeyx Ramin İgidov - Niqab və Burkanı qadağan edirlərsə o zaman sifəti örtən hər növ baş örtüsü qadağan olunmalıdır
İctimai yerlərdə çadra, niqab və burkanın
qadağan olunması haqqında Parlamentə təqdim olunan qanun layihəsi
gündəlikdən çıxardılıb - bu haqda məlumatı Gürcüstan Müsəlmanlar
İdarəsinin şeyxi Ramin İgidov verdi.
Onun
sözlərinə görə, deputat Emzar Kvitsianinin Parlamentə təqdim etdiyi
qanun layihəsi Gürcüstanda yaşayan Müsəlmanlar arasında bir mənalı
olaraq qarşılanmayıb.
Gürcüstan Müsəlmanlar İdarəsinin şeyxinin sözlərinə görə, onlar
əsasən hicab və çadranın qadağan olunmasına etiraz ediblər.
Çünki həmin geyimlər sifəti bağlamır. Müvafiq olaraq, şeyxə aydın
deyil ki, niyə deputat təhlükəsizlik məqsədi ilə onların qadağan
olunmasını tələb edirmiş. Əgər təhlükəzlikdən söhbət gedirsə onda
hər hansı maskadan istifadə edilməsi də qadağan olunmalıdır.
İgidovun sözlərinə görə, qanun layihəsinin qəbul edilməsi halında
yalnız insan hüquqları pozulmur, həm də onların dini inancı təhqir
olunur. Həmçinin, İslam ölkələrindən Gürcüstana gələn turistlərin
sayında da azalmalar ola bilər.
Qeyd edək ki, bu dini hisslərin təhqir olunması ilə bağlı qanun
layihəsinin qəbul edilməsinə 2013-cü ildən bəri artıq üçüncü
cəhddir. Əvvəlki iki cəhd uğursuz olmuşdu.
Xatırladaq ki, “Vətənpərvərlər Alyansı”nın üzvü Emzar Kvitsiani
Gürcüstanda ictimai yerlərdə örtük, niqab və çadra örtülməsi ilə
bağlı “İnzibati Xətalar Məcəlləsi”nə müvafiq dəyişikliklərin
edilməsi təşəbbüsü ilə qanun layihəsi təqdim etmişdi. Qanun
layihəsinə əsasən, “Dini hisslərin təhqir edilməsi” cəzalandırılan
hərəkət olur və hüququ pozanlar maddi cərimə (birinci halda 500
lari, təkrar olunması halında isə 1500 lari) və ya azadlıqdan
məhrum edilmə ilə cəzalandırılmalı idi.