Meriya "ağıllı kameralar"ın olduğunu bildirən yol nişanlarını almaq üçün 34 540 lari xərcləyəcək
Marneuli
miqyasında “ağıllı kameralar”ın quraşdırılması ilə bərabər meriya
həmin kameraların olduğunu bildirmək üçün yol nişanlarının alınması
ilə bağlı 34 540 lari dəyərində tender elan
edib.
Tenderin şərtlərinə görə, qalib gəlmiş şirkət yol nişanlarını
müqavilə imzalandıqdan 20 gün ərzində təhvil verməli, nişanların
quraşdırılması işləri isə 2019-cu ilin 30 noyabrınadək mərhələli
şəkildə həyata keçirilməlidir.
Tenderdə iştirak etmək arzusunda olan şirkətlər öz təkliflərini 2
fevraldan 4 fevraladək təqdim edə biləcəklər.
Xatırladırıq ki, 2019-cu ildən Marneulidə “ağıllı kameralar”ın
quraşdırılmasına başlanılıb. Meriyadan bildirirlər ki, bələdiyyə
miqyasında cəmi 201 kamera quraşdırılacaq ki, bunlardan da 85-i
texniki baxışdan keçməmiş avtomobilləri seçə biləcək.
Marneulidə “ağıllı kameralar”ın quraşdırılması işləri iyul ayınadək
davam edəcək.