Marneulidə "donuz qripi"ndən bir nəfər ölüb
Marneulidəki Aversi klinikasında 55 yaşlı kişi
H1N1 virusundan dünyasını dəyişib.
O,
iki həftə idi ki, süni tənəffüs aparatına qoşulmuş vəziyyətdə
idi.
Marneuli İctimai Səhiyyə Mərkəzinin direktoru Eter Laperadzenin
dediyinə görə, həmin şəxsdə “donuz qripi” ilə bərabər bir neçə
xroniki xəstəlik də olub ki, buna görə də xəstə virusa tab gətirə
bilməyib və dünyasını dəyişib.
Laperadzenin bildirdiyinə görə, Marneuli miqyasında virusla
mübarizə üçün Tamiflu preparatından istifadə olunurdu.
“Bütün xəstəxanalar, kənd həkimləri və stasionar
müalicə mərkəzlərinə virus əleyhinə Tamiflu preparatı verilmişdi,
Marneulidə problem yox idi. Preparatı əvvəlcə bizim xidmət verirdi,
daha sonra 3 əczaxana – PSP, Aversi və Farmadepoya da həmin
preparat verildi. Buna baxmayaraq ağırlaşmalar olur. Bu halda da
bir nəfər qripə yoluxub, ağırlaşma baş verib və dünyasını
dəyişib”, – Eter Laperadze deyir.
Marneuli miqyasında ümumilikdə laboratoriya tərəfindən təsdiqlənmiş
7-8 “donuz qripi”nə yoluxma halı qeydə
alınıb.