FOTO - Məktəbə gedən təhlükəli yol – valideynlər bələdiyyədən yardım tələb edirlər
Röyal Qarayev Kirəç Muğanlı kəndinin 7-ci sinif şagirdidir. Dərsin
saat 9-da başlamasına baxmayaraq o, hər gün səhər saat 7:30-da
qalxmalı olur. Kəndin məktəbinin uzaq olduğuna görə o, məktəbə asan
və tez şəkildə getməsi üçün kənddən Marneuliyə gələn bələdiyyə
avtobusundan istifadə edərək saat 8-də məktəbə gedir.
Bələdiyyə avtobusunun olmadığı zamanlar isə onu atası şəxsi
avtomobili ilə dərsə aparır və ya piyada getməli olur. O, magistral
yoldan istifadə edərək 30 dəqiqə ərzində məktəbə gedib çatır. Kirəç
Muğanlı kəndi sərhəddə yaxın olduğundan bu kənddə avtomobillər daha
sıx və sürətli şəkildə hərəkət edirlər. Magistral yolun ensiz
olması və piyada zolağının olmaması Röyal üçün təhlükə yaradır.
Röyalın və digər şagirdlərin valideyinlər hər səhər uşaqlarını
qorxu ilə yola salırlar. Bu səbəbdən valideyinlər uşaqlarını özləri
aparmağa üstünlük verirlər. Qurbanəliyeva Zenfira 3 nəvəsini hər
gün piyada məktəbə yola salmalı olur.
2017-ci ilin aprel ayında diqqətsizlikdən və avtomobilin yüksək
hərəkət etməsi səbəbindən 1 nəfər məktəblinin həyatını itirməsini
xatırladan Zenfira eyni hadisəsinin təkrarlanmasını istəmir.
İctimai nəqliyyatın normal qaydada işləməməsi, yolun təhlükəli
olmasından dolayı valideyinlər düşünürlər ki, şagirdlər üçün ayrıca
avtobusun olması vacibdir. Belə olduğu halda onlar rahat şəkildə
uşaqlarını məktəbə göndərə biləcəklər.
Valideyinlərin müraciətinə əsaslanaraq biz Marneuli Resurs
mərkəzinin direktoru Kənan Ömərovla əlaqə saxladıq.
O, bildirdi ki, valideyinlər ərizə yazıb imza toplayaraq məktəbə
müraciət etməlidirlər.
Məktəbdən isə ərizə təsdiqlənərək ictimai nəqliyyatın ayrılması
üçün 2 nüsxə olmaqla biri Resurs mərkəzə digəri isə bələdiyyəyə
çatdırılmalıdır.