Bələdiyyə Məclisində maaşı 1800 lari olan vəzifəni tutmaq üçün 17 ərizə daxil olub
Bələdiyyə
Məclisi Aparatının katiblik şöbəsinə rəhbər qəbul etmək üçün
müsabiqə elan olunub.
Marneuli Bələdiyyə Məclisi vakansiyanı
www.hr.gov.ge-də yayımlayıb. Ərizəni artıq 17 namizəd doldurub.
Vakansiyadan məlum olur ki, katiblik şöbəsinin rəhbərinin əmək
haqqı 1800 lari olacaq. Vacib tələblərdə iki illik iş təcrübəsi və
bakalavr dərəcəsi qeyd olunub.
Katiblik şöbəsinin rəhbərinin əsas funksiyaları:
-Səmərəli ünsiyyət və danışıqlar aparmaq qabiliyyəti;
-Geniş düşüncə qabiliyyəti;
-Struktur və fərdi məqsədləri müəyyən etmək qabiliyyəti
-Dəyişikliklərlə bağlı təşəbbüskarlıq və idarə etmək
qabiliyyəti
-İclas və görüşlərin idarə olunması qabiliyyəti
-Məmur peşəsinin inkişafı, qiymətləndirilməsi və motivasiyası
qabiliyyəti
-Problemin həlli və münaqişələrin idarə edilməsi qabiliyyəti
-Komandanın inkişaf etdirilməsi qabiliyyəti
Marneuli Bələdiyyə Məclisi Aparatının rəhbəri Nino Beridzenin
bizimlə söhbəti zamanı dediyinə görə, müvafiq şöbə meriyada əvvəl
də fəaliyyət göstərib.
“Katiblik var idi, ancaq məsələ hüquqi şöbənin
yaradılmasına qalanda optimallaşdırma məqsədi ilə vacib hesab
etdilər və təşkilatçılıq şöbəsi katibliklə birləşdi. İndi onu
ayırırlar. Yalnız bir nəfər əlavə olunacaq və katibliyə rəhbərlik
edəcək. Qalan iki əməkdaş təşkilatçılıqdan katibliyə
keçəcək” - Nino Beridze deyir.
Beridzenin sözlərinə görə katibliyin öhdəliyi bələdiyyə məclisinin
iclaslarının təşkil edilməsi olacaq (xəbərdarlıq, texniki işlər,
protokolların tərtibi, layihələrin araşdırılması və ayrılması).
Vakant yeri tutmaq üçün namizədlər üç mərhələni keçəcəklər:
1.Seçim
2.Şifahi tapşırıq
3.Söhbətləşmə
Açıq müsabiqəyə 7 marta qədər ərizə ilə müraciət etmək olar.