Marneulidə ilk zorakılıq qurbanlarına xidmət göstərəcək böhran mərkəzi açılıb
Bu
gün, 27 fevralda Marneulidə ilk zorakılıq qurbanlarına xidmət üçün
böhran mərkəzi açıldı.
Mərkəzin məqsədi benefisiarların hüququnu
qorumaq və qanuni maraqları müdafiə etməkdir. Eləcə də onların
sağlamlığını qorumaq və psixoloji-sosial yardım/reabilitasiyaya
dəstək olmaqdır. Bizimlə söhbəti zamanı insan alveri,
zərərçəkənlərin qorunması və yardımı üzrə dövlət fondunun direktoru
Meri Mağlaperidze deyir ki, böhran mərkəzində xidmət tam pulsuzdur
və orada hər kəs iştirak edə bilər.
“Düşünürük ki, çox adama köməklik göstərə biləcəyik.
Böhran mərkəzi müxtəlif ehtiyacı olan şəxslərə yardım göstərə
biləcək. Xidmət konsultasiyadan başlayır və sonra tam xidmətə keçə
bilər. Reabilitasiya prosesini keçsinlər və psixoloqun, sosial
işçinin və hüquqşünasın yardımından istifadə etsinlər. Eləcə də
böhran mərkəzi ehtiyac olduğu halda onlara sığınacağa
yönləndirməkdə də yardım göstərə bilər” -
Mağlaperidze deyir.
Kvemo Kartlidə dövlət müvəkkilinin müavini Zaur Darğallı mərkəzin
açılışının vacib olduğunu deyir və düşünürü ki, onların çalışması
effektiv olacaq.
Marneuli merinin müavini Laşa Lobjanidze hesab edir ki, böhran
mərkəzinin açılışı Marneulidə bir çox zorakılıq qurbanına yardım
göstərəcək.
“Ehtiyac yarandı ki, Marneuli ərazisində zorakılıq
qurbanlarına xidmət üçün böhran mərkəzi yaradılsın. Mərkəz hər
hansı maraqlanan, özünü zorakılıq qurbanı hesab edən şəxsə xidmət
göstərəcək” - Laşa Lobjanidze deyir.
Böhran Mərkəzinin zorakılıqdan qorumaq üçün qaynar xətti (116006)
var və zəng anonimdir.
Tədbir BMT-nin Qadın təşkilatı və Avropa İttifaqının maliyyə
dəstəyi ilə baş tutdu.
Gürcüstan miqyasında cəmi beş böhran mərkəzi, beş sığınacaq
fəaliyyət göstərir.