Marneuli şəhərində təqribən 10 ağacı müəyyən hündürlüyə qədər kəsəcəklər
Marneuli şəhərində ağacların kəsilib-təmizlənməsi
işləri gedir.
“Təmiz Marneuli” MMC Rustaveli və ətraf küçələrdə təqribən 10 ağacı
müəyyən hündürlüyə qədər kəsəcək. “Təmiz Marneuli”nin direktoru
Leri Mumladzenin dediyinə görə müəyyən hündürlüyə qədər ağacların
kəsilməsi onların pis vəziyyətdə olmasına görə həyata
keçirilir.
“Qəzalı ağaclardır, quruyublar, sadəcə 4,5 metrə qədər kəsəcəyik və
bundan sonra ağac yenidən bitəcək” - Leri Mumladze deyir.
Şirkət bir ağacı Marneuli meriyasının qarşısında, digər 2 ağacı isə
idman mərkəzi “Ata-Holdinqin” qarşısında müəyyən hündürlüyə qədər
kəsib.
Qeyd edilməlidir ki, ağacların müəyyən hündürlüyə qədər kəsilməsi
işləri Marneuli kəndlərində də gedir.