Marneulidə Turizm Məlumat Mərkəzinin tikintisinə 65 118 lari xərclənəcək
Gürcüstan Milli Turizm İdarəsi Marneulidə
turistlər üçün məlumat mərkəzinin tikilməsi üçün tender elan
edib.
Tenderin şərtlərinə görə, Marneulidə 26 may küçəsində, Polis
idarəsi yaxınlığında məlumat mərkəzi olacaq. Layihənin dəyəri 65
118 laridir.
Turizm Məlumat Mərkəzi yerli və xarici turistləri lazımi məlumatla
təmin edəcək. Mərkəz turizm tədbirləri, turizm üçün maraqlı yerləri
turizm istiqamətləri haqqında məlumatların axtarılmasını və
yayılmasını həyata keçirəcək, məlumat mərkəzinin fəaliyyət
göstərdiyi ərazidə mövcud olan turizm obyektləri haqqında məlumat
bazası yaradılacaq və bu baza müntəzəm şəkildə yenilənəcək.
Gürcüstan Milli Turizm İdarəsi tenderi 12 fevral tarixində elan
edib. Tender 7 mart tarixində başa çatacaq. Tenderdə qalib gəlmiş
şirkət Turizm Məlumat Mərkəzini müqavilə imzalandıqdan 98 gün
ərzində təhvil verməlidir.
Marneuli meriyası Turizm Mərkəzinin tikintisi istiqamətində işlərə
2017-ci ildən başlayıb. İlk olaraq 29 dekabr 2017-ci ildə Turizm
Məlumat Mərkəzinin binasının tikilməsi üçün smeta sənədlərinin
hazırlanması ilə bağlı tender olundu. Bu sənədin hazırlanması üçün
Marneuli meriyası 977 lari xərclədi.
Qeyd edək ki, Marneuli bələdiyyəsində son vaxtlar ərzində turizm
obyektləri artıb. Ağməmmədli kəndində orta əsrlərə aid olduğu güman
edilən daş-qutu tipli qəbir aşkarlanıb.
Qəbri kənd təsərrüfatı işləri görən zaman Mahir Nəbiyev aşkarlayıb.
5 fevral tarixində isə Marneuli bələdiyyəsinin Qasımlı kəndində
e.ə. V-IV əsrlərə aid eneolit sığınacağa 5 fevral 2019-cu il
tarixində Gürcüstan Milli Mədəni İrsin Qorunması Agentliyinin
direktoru Nikoloz Antadzenin müvafiq əmri ilə mədəni-irsi abidə
statusu verilib.