Novruz bayramı tədbirlərinin təşkil olunması
ilə bağlı elan olunmuş tenderin vaxtı bu gün, 5 mart tarixində sona
çatdı.
Tenderdə yalnız bir fərdi sahibkar – Davit
Qoderdzişvili iştirak etdi.
Meriya tədbirlərin keçirilməsi üçün 16 385 lari vəsait müəyyən
olunmuşdu. Fərdi sahibkar isə işləri həyata keçirmək üçün 14 100
lari təklif edib.
Bu mərhələdə tender şərtlərinin müzakirəsi davam edir, bundan sonra
isə fərdi sahibkar Davit Qoderdzişvilinin Novruz bayramı
tədbirlərini təşkil edib-etməyəcəyi müəyyən olunacaq.
Tenderin şərtlərində meriya tərəfindən müəyyən olunmuş aparıcıların
kim olacağı isə hələ məlum deyil.
Bələdiyyə tərəfindən elan olunan tenderə əsasən bu il tədbiri bir
azərbaycanlı oğlan və bir gürcü qız aparacaq. 2018-ci ilin tender
sənədlərində aparıcının milləti qeyd olunmamışdı. Eləcə də onların
yaşı da qeyd edilməmişdir. Bu il qadın 30-dan 35 yaşa qədər,
ixtisasca jurnalist və ya aktrisa, radio və ya televiziyada müəllif
verilişinin aparıcısı, analoji tədbirlərdə aparıcılıq təcrübəsi
olmalıdır. Kişinin yaşı isə 35-dən 40-a qədər müəyyən edilib. Teatr
aktyoru və ya rejissor, Azərbaycan və gürcü dillərini tam şəkildə
bilən olmalıdır. Serial və reklam çarxlarında iştirak etməsi müsbət
dəyərləndiriləcək. O, da həmçinin analoji tədbirlərin aparıcılıq
təcrübəsinə malik olmalıdır.
Davit Qoderdzişvili bu mərhələdə bizimlə danışmaq istəmədi. O,
bildirdi ki, işlər hələ başlamayıb və ancaq gələn həftə müsahibə
verə bilər.