“Avropalı Gürcüstan”ın üzvləri təmizlik xidmətinin əməkdaşı olan qadınları 8 mart münasibətilə təbrik ediblər
Təmizlik xidmətinin əməkdaşları hər gün səhər
saat 4-5-dən işə başlayırlar və şəhər hələ yuxuda olarkən onlar
əvvəlki gündən atılıb qalmış tullantıları
təmizləyirlər.
“Avropalı Gürcüstan”ın üzvləri təmizlik xidmətinin əməkdaşı olan
qadınları 8 mart münasibətilə təbrik ediblər. Partiyanın Marneuli
qərargahının rəhbəri Əhməd İmamquliyev “Marneuli” radiosu ilə
söhbəti zamanı bildirdi ki, onların məqsədi hər gün bizim qayğımıza
qalan qadınlara hörmətlərini bildirmək olub.
“O insanlar gecə saat 4-də çalışırlar, bizim
şəhərimizi, bizim küçələrimizi təmizləyirlər. 8 mart adlanan bu
sevinci hamı bir-biri ilə bölüşür, xanımları təbrik edir, lakin
təəssüf ki, illərdir bu insanları təbrik edən olmur, biz də qərara
aldıq ki, bu sevinci onlarla bölüşək”, – deyə Əhməd
İmamquliyev bildirdi.
Partiya üzvləri xanımlara gül və şirniyyatlar hədiyyə edib.
İmamquliyev deyir ki, təmizlik xidmətinin əməkdaşlarını yalnız 8
martda deyil, həmişə xatırlayır. Onun dediyinə görə, bu xidmətdə
çalışan qadınların məsələsini 2019-cu ilin büdcəsinin müzakirəsi
zamanı da dilə gətirib və onların maaşının artırılması təklifini
irəli sürüb.