Yanacağın qiyməti bahalaşarsa, Marneuli
bələdiyyəsi daxili nəqliyyat xətlərində də qiymətlərin bahalaşması
mümkündür.
Bu
haqda “Ekspress Turist” MMC özəl şirkətinin direktoru Yuri
Samxaradze bildirib və deyib ki, “əgər yanacağın
qiyməti bahalaşarsa, gediş haqqını bahalaşdırmağa məcburuq. Hələ
ki, birtəhər idarə edirik”, – Yuri Samxaradze deyir
ki, yanacaq az da olsa bahalaşsa, qiymət də artacaq.
Qeyd edilməlidir ki, Marneulidə hərəkət edən 1 və 2 saylı marşrut
taksiləri Yuri Samxaradzeyə aid olan nəqliyyat şirkətinin
balansındadır. Gediş haqqı Marneuli-Tbilisi istiqamətində
bahalaşıb. İndiyə kimi gediş haqqı 2 lari idisə indi bu məbləğə 50
tetri də əlavə olunub. Yanacaq bahalaşarsa gediş haqqı 3 lariyə
kimi artacaq.
Bələdiyyənin balansında olan nəqliyyat üçün gediş haqqı olduğu kimi
qalır.
Məsələn, “super” benzinin qiyməti 2.69-2.74 lari çərçivəsində
dəyişir. Həmin yanacağın qiyməti dekabr ayından təqribən 10 tetri
bahalaşıb.