“Gürcüstanın məhv edilməsini rahatlıqla izləmək
niyyətində deyiləm, qələbəyə hazırlaşırıq”, – deyə
Gürcüstanın üçüncü prezidenti Mixeil Saakaşvili özünün “Facebook”
səhifəsində yayımladığı videosunda bildirib.
Saakaşvilinin sözlərinə görə, bu il keçiriləcək seçkilərdə
Gürcüstanın məhv olacağı və ya qalib gələcəyi barədə qərar
veriləcək.
“Mən Gürcüstanın dağıdılması və sonuna çıxılmasını
rahatlıqla izləyə bilmərəm. Mən gürcü ailələrinin dağıdılmasını və
ölkədən qovulmasını seyr etmək niyyətində deyiləm. Əlbəttə ki, biz
qalib gəlməyə hazırlaşırıq. Hamımız birləşməliyik, yerləri bölmək
vaxtı nə indi deyil, nə də gələcəkdə olmayacaq. Xalqımıza kömək
etmək istəyən hər kəs birləşməlidir. Mən, istənilən halda, mütləq
bu döyüşün ön xəttində olacağam. İvanişvilinin su elektrik
stansiyalarında, qızıl mədənlərində, “bitcoin” fabriklərində qul
olacağımıza və ya azad bir ölkənin qürurlu vətəndaşları olacağımıza
bu il əbədi olaraq qərar veriləcək. Əgər azad bir ölkənin qürurlu
vətəndaşlarıyıqsa, bu il ölkəmiz ya son olaraq məhv olacaq, ya da
qalib gələcək, üçüncü seçim yoxdur! Buna görə də təbii ki, biz
qələbəyə hazırlaşırıq", – deyə Saakaşvili
bildirib.