Dövlət Təhlükəsizlik Xidməti “Mtavari” kanalında yayımlanan
süjet ilə bağlı açıqlama yayıb.
Söhbət “Mtavari” kanalının hazırladığı süjetdən gedir. Həmin
süjetdə bildirilir ki, bir neçə şəxs ailə üzvlərinin başqa bir
xəstəlikdən öldüyünü, ancaq ölüm səbəbi olaraq COVID-19 virusunu
qeyd etməyə onlardan razılıq istədiklərini bildirirlər. Bunun
müqabilində isə onlara pul təklif edirlər.
DTX qeyd edir ki, “Mtavari” kanalının süjetində müsahibə verən
şəxslər bu gün şahid qismində dindirilib. Qurumun bildirdiyinə
görə, vətəndaşlar jurnalistə belə bir söz demədiklərini və
“Mtavari” kanalının azərbaycan dilində olan reportajının bilərəkdən
səhv tərcümə olunduğunu bildiriblər.
"Süjetdə göstərilən vətəndaşlar, sorğu zamanı “Mtavari” kanalının
hazırladığı süjetdə onlardan götürülən müsahibənin montaj
olunduğunu bildiriblər. Daha dəqiq desək, onlar jurnalistə mərhumun
ailə üzvləri üçün tibb işçilərindən və hakimiyyət üzvlərindən pul
təzminatı qarşılığında ölümün yeni koronavirusun səbəbindən
olmasını elan etmələrini istəməkləri haqqında heç bir məlumata
sahib olmadıqlarını bildiriblər. Buna baxmayaraq, “Mtavari” kanalı
onların azərbaycan dilində olan reportajlarını bilərəkdən təhrif
edib və faktların köklü şəkildə fərqli təfsiri ilə əhatə edib ki,
bu da süjetdəki vətəndaşların böyük narazılığına səbəb olub və
onlar faktla bağlı hüquqi cavab tələb ediblər”, -
deyə DTX-nın bəyanatında bildirilir.
Qurumun bildirdiyinə görə, “Mtavari” kanalı bu addımı ilə bir
tərəfdən hökuməti ləkələməyə və onu qəsdən qanunsuz hərəkətlərdə
ittiham etməyə çalışacaqdı. İkinci tərəfdən isə cəmiyyət içərisində
qorumasızlıq hissi yaratmaqla və dünyada elan olunmuş yeni
koronavirus pandemiyası fonunda dezinformasiya yaymaqla Gürcüstanda
əhalinin psixologiyasına mənfi təsir göstərməyə çalışacaqdı. Bu isə
öz növbəsində onların ədalətli etirazına səbəb olacaq və dövlət
qurumlarının və təşkilatların rəvan fəaliyyətinə mane olacaqdı.