Macarıstanın aşağı büdcəli “Wizz Air” şirkəti rəsmi açıqlama yayıb.
Aviaşirkət müntəzəm kommersiya uçuşları bərpa edilən kimi Gürcüstan
və digər ölkələr arasında uçuşlar həyata keçirməyə hazır olduğunu
bildirib.
“Qlobal və yerli epidemioloji vəziyyəti nəzərə alan
"Wizz Air” Gürcüstan hökumətinin tənzimlərmələrini fəal şəkildə
izləyir və bu tənzimləmələri nəzərə alaraq ölkədəki fəaliyyətini
davam etdirir.
“Wizz Air” Gürcüstan aviasiya bazarında 2012-ci ildən bəri
fəaliyyət göstərir və bazanın qurulmasından sonra 2016-cı ildə öz
fəaliyyətini daha da genişləndirib. “Wizz Air” 2,5 milyondan çox
sərnişin daşınmasını təmin edərək Gürcüstanın aparıcı
aviaşirkətlərindən birinə çevrildi ki, bununla da son illərdə
nəqliyyat və turizmin güclənməsinə əhəmiyyətli dərəcədə töhfə
verib.
“Wizz Air” müntəzəm kommersiya uçuşları bərpa edildikdən sonra
Gürcüstan və digər ölkələr arasında uçuşlar həyata keçirməyə hazır
olduğunu bildirir.
“Wizz Air”, qlobal epidemioloji vəziyyət yaxşılaşdıqdan və səyahət
tələbi əvvəlki səviyyəyə qayıtmağa başladıqdan sonra uçuşları bərpa
etməyə və Kutaisi Beynəlxalq Hava Limanından yeni istiqamətlər
əlavə etməyə hazırdır", – aviaşirkətin bəyanatında
bildirilir.
Xatırladırıq ki, yayılan məlumata görə, “Wizz Air” Kutaisidəki
bazanı bağlamağı planlaşdırırdı.