Küçədə, həyətdə, nəqliyyatda və s. yerdə zibil atdığınıza görə iki
və ya üç qat pul cəzası alacaqsınız. Gürcüstan Parlamenti dünən
Tullantıların İdarə Edilməsi Məcəlləsinə zibil atmağa görə
cərimələrin artırılmasını nəzərdə tutan dəyişiklikləri təsdiqlədi.
Dünəndən etibarən evdən və ya digər binadan 2 kq-dan çox zibil
atdığınıza görə 100 lari əvəzinə 200 lari pul cəzası
alacaqsınız.
Şəxsi avtomobildən iki kiloqram tullantı atsanız, sürücü
cərimələnəcək, ictimai nəqliyyatdan atdığınız halda isə - siz. Hər
iki halda, cərimə 120 lari idi və indi 250 lari oldu.
İki və ya iki kiloqramdan çox tullantı atıldığı halda, fiziki
şəxslər 150 lari əvəzinə 500 lari, hüquqi şəxslər isə 1000 lari
əvəzinə 1500 lari miqdarında cəza alacaqlar.
Ərazini köpək və ya digər ev heyvanının az miqdarda nəcis maddəsi
ilə çirkləndirsəniz 100 lari cəza alacaqsınız.
Ətrafı 5-dən çox şin (velosiped şinləri istisna olmaqla) ilə
çirkləndirirsinizsə, mövcud cərimənin üç qatından da çoxunu ödəməli
olacaqsınız. İndiyə qədər cərimə 150 lari idi, indi isə 500 lari
oldu. Beş və ya daha çox şin olduqda cərimə 500 lari əvəzinə 2000
lari oldu.
İki kiloqrama qədər batareya, akkumulyator, elektrik lampası,
elektrikli mallar, qrafit elektrod, kəsici və ya deşici əşyalarla
(şüşə zibil, mismar və ya digər oxşar əşyalar daxil olmaqla) ətraf
mühitə zibil atsanız 100 lari əvəzinə 500 lari miqdarında cərimə
cəzası alacaqsınız.
İndiyə qədər ətrafı 1 m3 -dən çox bələdiyyə tullantıları ilə
çirkləndirdiyiniz təqdirdə 300 lari cərimə olunardınız, amma indi
cərimə 1000 lariyə çatıb. Bir hüquqi şəxssinizsə, cərimə bu
vəziyyətdə də artırılıb və 1000 lari əvəzinə 3000 lari olacaq.
Ətraf mühitin çox miqdarda tullantı (nəqliyyat vasitələri, elektrik
və ya elektrik avadanlığı, tikinti texnikası və ya digər oxşar
avadanlıqlar daxil olmaqla) ilə çirklənməsi halında indi mövcud
olan cərimənin miqdarı 4 dəfə artırılıb - fiziki şəxs 2000 lari,
hüquqi şəxs isə 6000 lari cərimə ediləcək.
Dəyişikliklərin təşəbbüskarları millət vəkilləri Sulxan Maxatadze
və Quqa Qulordavadır. Qanun layihəsinin izah sənədinə görə,
cərimələnməyə baxmayaraq praktikada ətraf mühitin müxtəlif növ
tullantılarla zibillənməsi hallarına çox sıx-sıx rast gəlinir.
"Fakt budur ki, onlar üçün qanunla tətbiq olunan
cərimələr qanun pozuntusuna yol verilməsinə maneə törətmir. Mövcud
qaydalara əsasən, qanunu pozanlar cərimələrdən çəkinmirlər. Bu
problemin aradan qaldırılmasının təsirli yolu cərimələrin məqbul
həddə qədər artırılmasıdır", – deyə sənəddə qeyd
olunur.
Tikinti inşaatına və ya digər inert tullantılara görə də cərimələr
artırıldı – 1 m3 bu cür zibilin atılmasına görə fiziki şəxs 200
lari əvəzinə 500 lari, hüquqi şəxs 500 lari əvəzinə 2000 lari
cərimə ediləcək. Bu növ tullantıların miqdarı daha çox olarsa,
cərimə 1500 lari olacaqdır. Hüquqi şəxslər bu vəziyyətdə 3000 lari
cərimə ödəməli olacaqlar.
Belə bir pozuntuya görə barəsində inzibati xəta haqqında protokol
tərtib olunmuş şəxs dərhal və ya ağlabatan müddətdə tikinti və ya
digər inert tullantılarla çirkləndirdiyi ərazini
təmizləməlidir.
Təhlükəli olmayan tullantıların açıq qaydada və ya təyinatdan kənar
məqsədlə yandırılmasına, həmçinin heyvan bədəninin qalıqları ilə, o
cümlədən, heyvan kəsilmə məntəqələri tərəfindən ətraf mühiti
çirkləndirilməsi, təhlükəli tullantıların kanalizasiya sisteminə
buraxılması, nəcis kütlələri ilə ərazinin çirkləndirilməsinə görə
də cərimələr artırılıb.
Qanunda, həmçinin tullantıların xüsusi qablara atılmalı olduğu
bildirilir, lakin bu cür tullantıların yığılması və atılması
sisteminin işləmədiyi məskunlaşmış ərazilərdə buna görə məsuliyyət
şamil edilməyəcəkdir.