Gürcüstan prezidenti 12-13 iyul tarixlərində Azərbaycan
və Ermənistan silahlı qüvvələri arasında baş verən silahlı
qarşıdurmadan narahatlığını ifadə edir,
– deyə Gürcüstan prezidenti Salome Zurabişvilinin verdiyi
açıqlamada bildirilir. Açıqlamanı Prezident Administrasiyası
yayıb.
“Bu gün hamımız görünməyən bir düşmənə qarşı birlikdə
mübarizə apardığımız üçün beynəlxalq həmrəylik və qlobal sabitliyin
qorunması mühüm əhəmiyyət kəsb edir.
Bölgəmizin sülhü və təhlükəsizliyi həm Gürcüstanın, həm də dost və
tərəfdaş dövlətlərimizin - Azərbaycan və Ermənistanın gələcək
inkişafı və çiçəklənməsi üçün böyük əhəmiyyət daşıyır.
"Gürcüstan Prezidenti lazımi tədbirlərin vaxtında görüləcəyinə və
dinc danışıqlar yolu ilə vəziyyətin daha da gərginləşməsinin
qarşısının alınacağına ümid edir", – deyə açıqlamada
vurğulanır.