Gürcüstanın bəzi rayonlarında iyulun 18-dək güclü yağış yağacağı
gözlənilir.
Milli Ekologiya Agentliyindən verilən məlumata görə, iyulun 16-da
günün ikinci yarısından Gürcüstanın şərqində və iyulun 17-dən
iyulun 18-dək səhər saatlarında Gürcüstanın bütün ərazisində yağış
yağacaq. Bəzi bölgələrdə yağışın xüsusilə güclü olacağı, şimşək
çaxacağı, dolu düşəcəyi və külək əsəcəyi gözlənilir.
"Gözlənilən leysan yağışları Gürcüstan çaylarında suyun
səviyyəsinin əhəmiyyətli dərəcədə artmasına, kiçik çaylarda
daşqınlara və ölkənin dağlıq ərazilərində sürüşmə proseslərinin
yaranması-intensivləşməsinə səbəb ola bilər. Dənizdə 2-3 bal
gücündə fırtına gözlənilir", – Milli Ekologiya
Agentliyinin verdiyi məlumatda bildirilir.