QHT "Ədalətli Seçkilər" (ISFED), 2020-ci il Parlament seçkiləri
üçün paralel səs sayımının (PVT) nəticələrinə yoxlama nəticəsində
müəyyən edilmiş nöqsanlar əsasında
düzəlişlər edilib və bu səbəbdən, hakim partiya və digər baryeri
aşmış partiyaların əksər hissəsinin aldığı səs faizi artıb. Düzəliş
edilmiş məlumatlara əsasən, xəta payı nəzərə alındıqda ISFED-in
paralel sayım nəticələri MSK-nın rəsmi məlumatları ilə üst-üstə
düşür.
Bundan əvvəl ISFED-in paralel sayımına görə, "Gürcü Arzusu"-nun
aldığı səslərin nisbəti 45,8%, düzəlişdən sonra 47,6% olub. Fərq
1,8%-dir. Mərkəzi Seçki Komissiyasının rəsmi məlumatlarına görə,
"Gürcü Arzusu" 48,2% alıb, bu da ISFED-in paralel sayma
məlumatlarından 0,4% çoxdur. Ancaq ISFED, xəta payının 0,7%
olduğunu söyləyib. VMH partiyasının reytinqi yüzdə 1% artaraq 27,4%
olub. MSK-nın rəsmi nəticələrinə görə, VMH/"Güc Birlikdədir" 27,18%
səs toplayıb. ISFED-in xəta payı 0,6%-dir. Digər baryeri aşan
partiyaların göstəriciləri də bir qədər artıb (0,1%).
"Yüksək ictimai maraq səbəbindən, Beynəlxalq Ədalətli Seçkilər və
Demokratik Cəmiyyətin 31 oktyabr 2020-ci il Parlament seçkilərindən
sonra Paralel Sayma (PVT) üçün ilkin, daxili yoxlama apardığını
xatırladaq.
Daxili yoxlama PVT üçün standart bir prosedurdur və dörd mərhələdən
ibarətdir:
• Müşahidəçilər tərəfindən təqdim olunan məlumatların
yoxlanması;
• Dairə Seçki Komissiyaları tərəfindən tərtib edilmiş düzəliş
protokollarının yoxlanılması;
• Yanılma payının hesablanmasının düzgünlüyünün yoxlanması;
• Seçki günü prosesi ilə əlaqəli məlumatların yoxlanılması.
Daxili yoxlamanın nəticələri PVT metodologiyasının dəqiqliyini və
müşahidəçilər tərəfindən verilən məlumatların etibarlılığını
təsdiqləyib. Ancaq seçki subyektlərinin aldığı səslərin
hesablanması formulunda bir yanlışlıq müəyyən edilib. Dəqiq desək,
seçki subyektlərinin aldığı səslərlə yanaşı etibarsız bülletenlər
də sayılıb, nəticədə seçki subyektlərinin aldığı səs nisbətləri bir
qədər dəyişib. Bu fərq heç bir seçki subyekti tərəfindən alınan
mandat sayını dəyişdirmir.
Əlavə olaraq xatırladaq ki, "Ədalətli Seçkilər" bütün seçki
prosesini kompleksli şəkildə müşahidə edib. Monitorinq nəticəsində,
təşkilat 2020-ci il parlament seçkilərini son illərin ən aşağı
standartlı seçkiləri adlandırıb ki, bu da seçki məntəqəsi
protokollarının 8%-də uyğunsuzluğun aşkarlanmasından qaynaqlanır",-
deyə ISFED-dən bildirilib.
Paralel saymanın düzəliş edilmiş nəticələri:
Dəqiqləşdirməzdən əvvəl, seçkinin ikinci günü ISFED tərəfindən dərc
olunan nəticələr belə idi:
"Ədalətli Seçkilər"-in PVT nəticələri "Gürcü Arzusu" tərəfindən
tənqid olunub, onun bəzi müxalifləri isə, MSK nəticələrini
etibarsız sayıblar, çünki hakim partiyanın PVT-lərin nisbəti MSK
nəticələrindən daha az olub. "Ədalətli Seçkilər"-in seçki günü
müşahidəsi səslərin Paralel Sayımı (PVT) metodologiyasına
əsaslanıb. Təşkilatın verdiyi məlumata əsasən, PVT metodologiyası,
ölkə daxilində təmsil olunan təsadüfi seçki məntəqələrində
müşahidəçilərin yerləşdirilməsini nəzərdə tutur.
Bu gün "Formula" və "Mtavari arxi" mənbəyə istinad edərək hakim
partiyanın məlumatları dəyişdirmək üçün quruma təzyiq göstərdiyini
bildirib. ISFED direktoru təzyiq faktlarını təkzib etdi. O, "Gürcü
Arzusu"-nun nümayəndələri ilə danışdığını qeyd edib.
"Təzyiqlə nə əlaqəsi var, sadə bir uyğunsuzluq idi. Təsəvvür edin,
PVT-yə görə, baryeri keçən bütün partiyalara mənfi qoyulur ki, bu
mümkün deyil. Sadə bir uyğunsuzluq tapdıq və bu qüsuru təsdiqləmək
üçün məlumatlar istədik. Bu səhvlərin düzəldilməsi tək bizim
məlumatlarımızın düzəlməsi deyil ki, məsələn, VMH-ın yanılma payı
0,8%, "Avropa Gürcüstanı"-nın yanılma payı, səhv etmirəmsə,
0,2%-dir və s. bunlar hamısı eyni anda düzələcək. PVT göstərib ki,
baryeri keçən bütün partiyalar baryeri keçə bilməyən partiyaların
bütün səslərini alıblar, əlbəttə, bu absurddur", - deyə bu gün
"Gürcü Arzusu"-nun lideri İrakli Kobaxidze açıqlayıb.
Onun sözlərinə görə, ISFED nümayəndələri ilə görüş onlayn keçirilib
və görüşdə "Gürcü Arzusu"-nun yeni simaları iştirak edib.
XX