Baş nazir İrakli Qaribaşvili xarici investisiyaların cəlb edilməsi
üzrə xüsusi məsləhətçi Vazil Hudakinin namizədliyini irəli sürüb.
Qaribaşvili bu gün, 7 may tarixində etdiyi təqdimatında Hudakinin
müxtəlif dövrlərdə Avropa İnvestisiya Bankının vitse-prezidenti
olduğunu və Slovakiyanın İqtisadiyyat və Maliyyə naziri olduğunu da
söyləyib.
“Cənab Vazil Gürcüstanı yaxşı tanıyır. Avropa İnvestisiya Bankının
vitse-prezidenti olarkən tez-tez Gürcüstana gəlirdi. İqtisadi
komandamız ilə də yaxşı tanışdır. Onun hədəfləri xarici dövlət və
özəl sektorların dəstəyini səfərbər etməkdir. O, strateji,
prioritet investisiya layihələrinə diqqət ayıracaq",
– deyə Qaribaşvili bildirib.
2020-ci ildə birbaşa xarici investisiyaların həcmi 2019-cu illə
müqayisədə demək olar ki, 53% azalaraq 616,9 milyon dollar təşkil
edib. Bu, 2006-cı ildən bəri ən aşağı investisiya göstəricisidir.
Üstəlik, 2009-cu ildə Rusiya-Gürcüstan müharibəsindən sonra ölkəyə
666,8 milyon ABŞ dollarından çox sərmayə qoyulub. 2021-ci ilin
birinci rübünün məlumatları hələ Milli Statistika Xidməti
tərəfindən dərc edilməyib. Nəticə etibarilə bu il nə qədər xarici
sərmayə qoyulduğu məlum deyil.