Keçmiş baş nazir Qiorqi Qaxaria, Facebook hesabında narkotik
istifadə etmədiyini təsdiqləyən saç testinin nəticələrini
yayımlayıb.
"Avstriyadakı" FTC-Forensisch-Toxikologis ches Labor"
laboratoriyası, saç nümunəsi üzərində aparılan araşdırmada narkotik
istifadə etmədiyini təsdiq etmişdir", - deyə o
yazıb.
Paytaxtın hazırkı meri və "Gürcü Arzusu"-nun merliyə namizədi Kaxa
Kaladze sentyabrın 4-də narkotik testi keçirməyi planlaşdırdığını
bildirib və digər namizədləri də bunu etməyə dəvət edib.
Kaladze əvvəlcə qərarının və çağırışının yalnız sağlam həyat
tərzini təbliğ etmək olduğunu izah etsə də, sonradan "Gürcü Arzusu"
liderləri keçmiş baş nazir Qiorqi Qaxariyaya müraciət ediblər.
Partiya sədri İrakli Kobaxidze keçmiş komanda yoldaşını "kokain
asılısı" adlandırıb.
Sentyabrın 13-də Qiorqi Qaxaria narkotik testindən keçməyə hazır
olduğunu bildirsə də, testlərin Samxarauli Ədliyyə Bürosunda deyil,
Avropadakı beynəlxalq laboratoriyada aparılacağını qeyd edib.
Sentyabrın 16-da Avstriyada olduğunu, testlərdən də keçdiyini və
cavablara görə heç bir narkotik istifadəsi qeydə alınmadığını
söyləyib.
Xüsusilə, Qaxaria, Vyanadakı "RUDOLFINERHAUS" xəstəxanasında
narkotik testinin nəticələrini dərc edib, buna görə qan və sidik
testləri nəticəsində bu iki nümunədə heç bir narkotik
tapılmayıb.