Ukrayna daxili işlər nazirinin müşavirinin sözlərinə görə, ilkin məlumatlara görə, Rusiyanın bombardmanı nəticəsində indiyədək Ukraynada 8 nəfər ölüb, 9 nəfər yaralanıb.

Ölən və yaralananlar arasında hərbçi və ya mülki itkilərin olub-olmadığı hələlik bəlli deyil.

BBC Ukrayna polisinə istinadən xəbər verir ki, 7 nəfər həlak olub - 6 nəfər Podilskidəki Odessa hərbi bazası yaxınlığında, 1 nəfər isə Mariupol şəhərində öldürülüb.
BBC-nin məlumatına görə, Ukrayna polisinin məlumatına görə, 19 nəfər itkin düşüb.

Eyni zamanda, Ukrayna quru qoşunları ölkədə vəziyyətin nəzarət altında olduğunu, Rusiya qoşunlarının isə itkilər verdiyini bildirir.

---

Fevralın 24-də səhər saatlarında Rusiya Federasiyası Ukraynada genişmiqyaslı müharibəyə başladı.

Rusiya prezidenti Vladimir Putin separatçı Donbas və Luqansk bölgələrinin müdafiəsi bəhanəsi ilə Ukraynada “hərbi əməliyyata” start verildiyini açıqlayıb. Putin Ukrayna əsgərlərini silahlarını yerə qoymağa çağırıb.

Ukraynada işləyən jurnalistlərin bildirdiyinə görə, Putinin bu açıqlamasından az sonra Kiyev də daxil olmaqla Ukrayna şəhərlərinin ətraflarında strateji obyektlərin bombalanmasına başlanılıb.