Gürcüstan prezidenti Salome Zurabişvili DW-yə müsahibəsində
bildirib ki, Gürcüstanın təhlükəsizliyinin təminatı onun NATO və
Avropa İttifaqına üzv olmasıdır.
Zurabişvili qeyd edib ki, ölkə bu təhlükəsizlik zəmanətlərini
müharibə yolu ilə əldə edə bilməyəcək, çünki Gürcüstan prezidenti
ölkəsinin Rusiya ilə müharibədə heç vaxt qalib gələ bilməyəcəyini
deyir:
“Bizə həqiqətən ehtiyac duyduğumuz şey NATO və Avropa
Birliyinə qoşulmaq üçün sürətli və qısa yoldur, çünki bu,
təhlükəsizliyimiz üçün vacibdir. Müharibə belə təhlükəsizliyi təmin
edə bilməz, çünki biz Rusiya ilə müharibədə qalib gələ
bilməyəcəyik”, - deyə Salome Zurabişvili
bildirib.
Fevralın 24-də Rusiya Ukraynaya qarşı genişmiqyaslı müharibəyə
başlayıb və həm hərbi obyektlərə, həm də mülki şəxslərə hücum edib.
Artıq müharibədə minlərlə dinc ukraynalı həlak olub, milyonlarla
insan ev-eşiyindən didərgin düşüb, Ukraynanın bir sıra şəhərləri
yerlə-yeksan edilib. Döyüşlər bu günə qədər Ukraynanın cənub-şərq
vilayətlərində davam edir, ölkənin digər hissələri vaxtaşırı
bombalanır.