Temur Abazovun ailə üzvlərini təhqir edən vətəndaş polisə aparılıb
15:10 / 12.06.2018
Ötən gün 11 iyun tarixində
facebook sosial şəbəkəsində Marneuli sakini Elçin Allahverdiyevə
aid videomaterial yayımlandı.
Videoda o, Marneuli bələdiyyəsinin meri Temur Abazovun ailə
üzvlərini təhqir edirdi.
Videonu dünən kifayət qədər çox adam izlədi və paylaşdı., lakin bu
gün video sosial şəbəkədən qaldırılıb. Elə dünən Marneuli sakininin
həmin hərəkətlərinə görə üzr istədiyi ikinci videomaterial
yayımlandı.
“Marneuli” radiosunun məlumatına görə, Elçin Allahverdiyev
hal-hazırda polis idarəsindədir. Daxili İşlər Nazirliyindən
aldığımız məlumata görə, o, polis idarəsinə bir məsələ ilə bağlı
şahid qismində çağırılıb. Lakin konkret hansı məsələ olduğu barədə
məlumat verilmir.