Jurnalistləri məktəbə nə üçün buraxmırlar: "Bir çox direktor öz səlahiyyətlərini və vəzifələrini bilmir" - Olqa Endeladze
15:53 / 25.06.2018
Bir neçə gün əvvəl “Marneuli” radiosunun yayımladığı
videomaterialda “Tbilisi İnsan Hüquqları Evi” layihəsi çərçivəsində
iş zamanı jurnalist və Marneuli bələdiyyəsinin İmir kəndi ictimai
məktəbinin direktoru arasında qarşıdurma olduğu aydın olmuşdu.
Direktor jurnalistə məkdəbə girməyə və məktəbin vəziyyəti ilə bağlı
çəkiliş aparmağa icazə verməmişdi. Demək olar ki, bu direktor
tərəfindən ilk belə qadağa deyil. Marneulili jurnalistlər və
qeyri-hökumət sektorunun nümayəndələri öz peşə fəaliyyətlərini
yerinə yetirərkən dəfələrlə maneə ilə qarşılaşıblar, belə ki,
təhsil müəssisəsinin rəhbəri məktəbə daxil olmağa icazə
verməyib.
Marneulinin Çanaxçı kəndinə getmiş jurnalist Naniko Sisvadze də
eyni aqibətlə qarşılaşıb. Məsələdən Gürcüstan Elm və Təhsil
Nazirliyi, həmçinin yerli Təhsil Resurs Mərkəzinin xəbəri olub,
lakin məktəbə gedərkən yenidən Elm və Təhsil Nazirliyi, həmçinin
yerli Təhsil Resurs Mərkəzinin xəbərinin olmasını sübut etməli
olub.
“Çanaxçı kəndində sənədli film çəkirdim. Bu birdəfəlik
çəkiliş deyildi, bir neçə dəfə o kəndə getməli idim. Film üçün
kadrlar çəkməli idim. Filmin qəhrəmanı Çanaxçı məktəbində işləyir.
İki dəfə getdikdən sonra məktəb direktoru çəkiliş etməyə icazə
vermədi. Məktəbdə dərs prosesini, müəllimlər otağında digər
müəllimlərlə münasibətini çəkmək istəyirdim. Buna qəti şəkildə
etiraz etdi. Mən ora getdikdən sonra bir neçə dəfə başqa mətbuat
vasitələri də gedib və kəndin problemləri ilə birgə, məktəbin
problemlərini də işıqlandırıblar. Bildiyimə görə, bununla bağlı
məktəb direktoru üçün yerli Təhsil Resur Mərkəzindən problem
yaranıb. Yəni deyirlər ki, məktəbin müəllimləri niyə problemlər
haqqında danışır. Fikrimcə məhz buna görə də məktəb direktoru
çəkilişə icazə vermədi” – deyə Naniko Sisvadze
bildirdi.
“Gender Bərabərliyi Naminə Jurnalistlər Şəbəkəsi” təşkilatının
Kvemo Kartli nümayəndəsi Samirə Bayramova da belə problemlə
qarşılaşıb. Onun da qeyri-hökumət təşkilatı nümayəndəsi kimi
məktəbə girişinə icazə verilməyib.
“Məktəbdə tədbir keçirəndə, və yaxud hanısısa görüşə
dəvət edəndə öz iradələri ilə gəlmirlər. Ya Resurs-Mərkəzə zəng
vurmalıyıq, ya nazirlikdən arayış gətirməliyik. Nazirlik
məktəblərin müstəqil olduğunu və müstəqil qərar verə biləcəyini
deyir. Ancaq bir çox məktəbin direktoru bilmir ki, müstəqildirlər,
heç kəsdən asılı deyillər. Nə etməli, hansı qərar qəbul etməli
olduqları baxımından sərbəstdirlər” – deyə Samirə
Bayramova bildirdi.
“Demokrat Qadınlar Cəmiyyəti” təşkilatının sədri Olqa Endeladze
deyir ki, Gürcüstan Elm və Təhsil Nazirliyində də razılaşırlar ki,
məktəbə girməyə icazə verib-verməmək direktordan asılıdır, lakin
icazə verilmədiyi təqdirdə bunun əsası da olmalıdır.
Kənar şəxsin məktəbə daxil olmasına nə üçün icazə verilmədiyi
əsaslandırılmalıdır. Endeladze hesab edir ki, direktorların belə
hərəkəti onların səlahiyyətlərini tam bilməmələrindən irəli gəlir
və buna görə də tez-tez qeyri-hökumət təşkilatları və jurnalistlər
üçün problemlər yaranır.
“Mən əminəm ki, bizdə mövcud olan reallıq oradan irəli
gəlir ki, bizim direktorlar öz səlahiyyətlərini, öz vəzifələrini,
öz imkanlarını bilmirlər. Ya nazirlikdə, ya da Resurs Mərkəzdən
razılıq gözləyirlər. Qorxu amili də var. Birincisi bir çox direktor
öz səlahiyyətlərini və vəzifələrini bilmirlə, ikinci qorxu amili də
odur ki, mətbuatla, təşkilatlarla əməkdaşlıq və ünsiyyət
bacarıqları yoxdur. İnsan bilmirsə, təbii ki, qoruxsu da
olur” – deyə Olqa Endeladze bildirdi.
Qeyd edək ki, qərar qəbul etmək hüququ məktəb direktorlarına
aiddir. Lakin bir çox halda yerli Resurs Mərkəzdən və ya Gürcüstan
Elm və Təhsil Nazirliyindən icazə istəyirlər.
Bununla belə yerli Resurs Mərkəzdən də bildirirlər ki, məktəbin
özünün qərar qəbul etmək hüququ var. Bu kimi qarşıdurmaların
yaranmasını isə standart olaraq dərs prosesinə mane olma ilə
əlaqələndirirlər.
“Tbilisi İnsan Hüquqları Evi” layihəsi çərçivəsində işlər zamanı
jurnalist və Marneuli bələdiyyəsi İmir ictimai məktəbinin direktoru
arasında qarşıdurma yaranıb. Jurnalsit İmir məktəbində çəkiliş
aparmaq üçün gəlib, lakin məktəb direktoru buna icazə verməyib.
Bu isə mübahisəyə səbəb olub. İnsidentlə bağlı videomaterialdan
aydın olur ki, jurnalistə qarşı aqressiya yalnız məktəb direktoru
tərəfindən deyil, eyni zamanda digər şəxslər tərəfindən də olub.
Məktəbin əməkdaşı olduğu ehtimal edilən bir şəxs jurnalisti təhqir
edir və hədələyir.
İmir məktəbinin direktoru İsmixan Məmmədovun “Marneuli” Radiosuna
dediyinə görə, jurnalistlər icazə alanadək artıq çəkilişə
başlayıblarmış. Lakin direktor onların kim olduqlarını soruşduqdan
sonra onlar özlərini təqdim ediblər və deyiblər ki,
Azərbaycandandırlar və məktəbdə çəkiliş aparmaq istəyirlər.
“Soruşdular ki, niyə istəmirsiniz yeni məktəb
tiksinlər? Mən də soruşdum ki, siz tikməyi planlaşdırırsınız? Və
dedim ki, nazirlikdə məktəbin vəziyyəti ilə bağlı məlumat var və
yəqin ki, məktəbi təmir edəcəklər. Ddüzünü deyim, çəkilişə icazə
vermədim. Hardan gəliblər? Kim göndərib? Nazirliyin xəbəri var?
Əgər bilirlərsə, o zaman sənədləri göstərin dedim. Jurnalistlərin
dedikləri yalandır”, - deyə məktəb direktoru
bildirdi.