“Gürcüstan Könüllüsü” layihəsinə 16 yaşdan 25 yaşadək gənc
könüllülərin qəbulu başlanır.
Müsabiqə Gürcüstanın 64 bəldiyyəsi və Tbilisi şəhərində elan
olunub. Hər bir bələdiyyədən 2 nəfər seçiləcək. Müsabiqənin birinci
mərhələsində 6 iyun tarixindən 3 iyuladək arzu edənlər
youth.indygo.ge
ünvanında müraciət formasını doldurmalıdırlar.
Birinci mərhələni keçdikdən sonra müsabiqə iştirakçıları
müsahibədən keçməlidirlər və bundan sonra iki nəfər seçilir. Onlar
5 gün ərzində hazırlıq təlim-seminarında iştirak edirlər və könüllü
status alırlar.
Proqramda iştirak edən Gürcüstan könüllüləri hazırlıq keçdikdən
sonra öz bələdiyyələrində könüllülər klubunun yaradılması, ətraf
mühitin mühafizəsi tədbirləri, xeyriyyə fəaliyyətləri – müxtəlif
ehtiyacı olan insanlara yardım, sosial fəaliyyətlər, filmlərin
göstərilməsi, xarici dil kurslarının təşkil olunması, sağlam həyat
tərzinin təbliğ olunması (idman yarışları, marafonlar), fiziki
qüsuru olan şəxslərin cəmiyyətə inteqrasiyası, xüsusi günlərin qeyd
olunması, yaradıcılıq gecələrinin keçirilməsi, tanınmış şəxslərlə
görüş və s. kimi tədbirləri həyata keçirirlər.
“Gürcüstan Könüllüsü” layihəsini Gürcüstan Təhsil və Elm nazirliyi
həyata keçirir və layihənin məqsədi könüllülük institutunun milli
səviyyədə inkişafıdır.