Rayan Smitin Marnenulidə uşaqlar üçün park yaradılması ilə bağlı
ideyasının həyata keçirilməsi məqsədilə imza toplanacaq.
Bu gün 10 iyul tarixində Marneuli Mülki Məşğulluq Mərkəzində
keçirilmiş görüşün iştirakçıları bu barədə qərar veriblər.
Dostları, Marneulidən olan fəallar və qeyri-hökumət təşkilatlarının
nümayəndələrinin fikrincə Marneulidə Smit ailəsinin adının
yaşadılması üçün mütləq uşaqlar üçün meydança yaradılmalıdır.
Bu görüşdə 12 iyul tarixində qətlə yetirilmiş ailənin xatirəsinin
yad edilməsi məqsədilə yürüş keçirilməsi qərara alındı. Mülki matəm
mərasimi Rustaveli küçəsində, 8 avqust müharibəsi zamanı həlak olan
qəhrəmanların memorialı yerləşən ərazidə, Rayan Smitin uşaq parkını
salmaq istədiyi ərazidə keçiriləcək. Onların xatirəsi yad
edildikdən sonra toplaşanlar Smit ailəsinin bu günədək bağlı olan
evlərinə yürüş edəcəklər.
Xatırladaq ki, Smit ailəsi 6 iyul tarixində Duşeti bələdiyyəsinin
Xada dərəsində ölmüş vəziyyətdə tapılıblar.
Xada xiyabanında Smitlər ailəsinin ölümündə ittiham olunan 19 yaşlı
M.K. törətdiyi cinayəti etiraf edib.
İstintaq eksperimenti nəticəsində hüquq mühafizəçiləri 4 yaşlı
uşağın cəsədini gizlədilmiş şəkildə tapıblar. Müəyyən edilib ki, 19
yaşlı çoban əvvəl odlu silahla Rayan Smit və onun övladını ölümcül
yaralayıb, Lora Smit isə qaçmağa cəhd göstərən zaman yarğana düşüb
ölüb.
Dəhşətli qətl haqqında DİN-in mərkəzi kriminal polis
departamentinin təşki edilmiş cinayətlə mübarizənin əsas
idarəçiliyinin rəhbəri Mamuka Celidze brifinq keçirib.
İki və ya daha çox şəxsin həmçinin, yetkinlik yaşına çatmamış
şəxsin qətlində ittiham olunaraq saxlanılan 1998-ci il təvəllüdlü
M.K. törtədiyi cinayəti etiraf edib. Ölənlərin cəsədi hal-hazırda
ekspertizadan keçirilir. CM-nin 109-cu maddəsinin 2-ci hissəsinin
"b" və 3-cü hissəsinin "a" aşağıbəndinə əsasən gedir.
Maddə ömürlük həbs cəzasını nəzərdə tutur.
İttiham olunanın məsuliyyətə cəlb olunması üçün ekspertiza
keçiriləcək.
Xatırladaq ki, Smitlər ailəsinin yoxa çıxması haqqında 112-yə zəng
6 iyul tarixində daxil olub. İlk əvvəl DİN bildirib ki, ölənlərin
cəsədində zorakılıq işarələri yoxdur.
Rayan Smit və onun ailəsi 6 ildən çoxdur ki, Marneulidə
yaşayırmışlar və xalça biznesi ilə məşğul olurlarmış.