Xada dərəsində qətlə yetirilmiş Smit ailəsi Arizona ştatının
Finiks şəhərində dəfn olunub. Qətlə yetirilmiş Smitləri ailə
üzvləri və dostları yad edib.
Anım tədbiri ilə bağlı videonu „TV Pirveli“ yayımlayıb. 4 yaşlı
Kaylebi Qrinvud memorial qəbristanlığında anası ilə birgə dəfn
ediblər. Onların qəbirlərinə əllə toxunulmuş xalça sərilib.
Xatırladırıq ki, Rayan Smit xalça biznesi ilə məşğul olurdu. O, bu
biznesi Marneuli rayonunun Kosalar kəndinə həyata keçirirdi.
Qeyd olunan mətbuat vasitəsinin məlumatına görə, dəfn mərasimində
Lora və Rayanın bir-biri ilə necə danış olduqları, Gürcüstana necə
gəlib çıxdıqları və nə üçün xalça biznesi ilə məşğul olmağı qərara
aldıqları barədə səs yazısı sələndirilib.
Smit ailəsi 23 iyun tarixində Vaşinqton ştatının Takoma şəhərində
də yad edilib.
Qətlə yetirilmiş ailə Amerika Birləşmiş Ştatlarına 20 iyul
tarixində aparılıb.
Smit ailəsi Xada dərəsində 4 iyul tarixində qətlə yetirilmişdi.
Qətldə 19 yaşlı çoban Malxaz Kobauri ittiham olunur. O, hal-hazırda
həbsdədir. Xada dərəsində qətlə yetirilmiş Smitlərin ekspertizası
Samxarauli tibbi ekspertiza bürosunda həyata keçirilmişdi.
Ekspertizanın rəyinə görə, Lora Smit cinsi zorakılığa məruz qalıb,
4 yaşlı Kayleb isə ov tüfəngi ilə yaxın məsafədən atəş açılaraq
qətlə yetirilib.